കർണാടകയിലെ മാണ്ഡ്യ സെൻട്രൽ പോലീസ് സ്റ്റേഷൻ സാക്ഷ്യം വഹിച്ചത് വികാരനിർഭരമായ നിമിഷത്തിനാണ്. സ്റ്റേഷന്റെ ചുമതല സബ് ഇൻസ്പെക്ടർ ബി എസ് വെങ്കിടേഷ് 24 കാരിയായ തന്റെ മകൾ ബിഎസ് വർഷയെ ഏൽപ്പിച്ചു. 15 വർഷത്തിലേറെയായി ആർമിയിൽ സേവനമനുഷ്ഠിച്ച ശേഷം 2010-ലാണ് മുൻ സൈനികരുടെ ക്വാട്ടയിൽ വെങ്കിടേഷ് പോലീസ് സേനയിൽ ചേർന്നത്.
2020-21 ബാച്ച് പോലീസ് ഓഫീസറാണ് അദ്ദേഹത്തിന്റെ മകൾ. സാമ്പത്തിക ശാസ്ത്രത്തിൽ ബിരുദം നേടിയ വർഷ ആദ്യ ശ്രമത്തിൽ തന്നെ പോലീസ് സേനയിൽ ചേരാനുള്ള പരീക്ഷയിൽ വിജയിച്ചു. ചൊവ്വാഴ്ചയാണ് വർഷ അച്ഛനൊപ്പം പോലീസ് സ്റ്റേഷനിലെത്തിയത്.