തിരുവനന്തപുരം: പങ്കാളിത്ത പെൻഷൻ പിൻവലിക്കണമെന്ന ആവശ്യപ്പെട്ട് സെക്രട്ടറിയേറ്റ് മാർച്ച് നടത്താൻ കെജിഓഎഫ്. ജീവനക്കാരുടെയും അധ്യാപകരുടെയും സമര ഐക്യ പ്രസ്ഥാനമായ അധ്യാപക സർവീസ് സംഘടനാ സമരസമിതിയുടെ ആഭിമുഖ്യത്തിൽ ഒക്ടോബർ 26 ബുധനാഴ്ചയാണ് മാർച്ച് സംഘടിപ്പിക്കുന്നത്.
സെക്രട്ടറിയേറ്റ് മാർച്ചിന്റെ ഉദ്ഘാടനം സിപിഐ സംസ്ഥാന സെക്രട്ടറി കാനം രാജേന്ദ്രൻ നിർവഹിക്കും. ജോയിന്റ് കൗൺസിൽ, കേരളാ ഗസറ്റഡ് ഓഫീസേഴ്സ് ഫെഡറേഷൻ, എകെഎസടിയു, കേരളാ സെക്രട്ടറിയേറ്റ് സ്റ്റാഫ് ഫെഡറേഷൻ തുടങ്ങിയ സംഘടനകളാണ് സെക്രട്ടറിയേറ്റ് മാർച്ചിനും ധർണയ്ക്കും നേതൃത്വം കൊടുക്കുന്നത്.
