കര്‍ണാടകയുടെ പതാകയില്‍ രാഹുല്‍ ഗാന്ധിയുടെ ചിത്രം അച്ചടിച്ചതിന് എതിരെ വിമര്‍ശനവുമായി ബിജെപി നേതാവും കര്‍ണാടക റവന്യൂ മന്ത്രിയുമായ ആര്‍.അശോക്. ഭാരത് ജോഡോ യാത്രയിലാണ് രാഹുലിന്‍റെ ചിത്രമുള്ള കന്നഡ പതാകയുമായി കോണ്‍ഗ്രസ് പ്രവര്‍ത്തകര്‍ എത്തിയത്.
രാഹുല്‍ ഗാന്ധിയുടെ ഫോട്ടോ കന്നഡ പതാകയില്‍ ഉള്‍പ്പെടുത്തിയത് സംസ്ഥാനത്തിന് നാണക്കേടായെന്നും പതാകയെ അപമാനിച്ച കോണ്‍ഗ്രസ് മാപ്പ് പറയണമെന്നും ആര്‍.അശോക് ആവശ്യപ്പെട്ടു.
എന്നാല്‍, കന്നഡ പതാക ആരുടെയും സ്വത്തല്ലെന്നും സംഭവത്തില്‍ മാപ്പ് പറയില്ലെന്നും കര്‍ണാടക കോണ്‍ഗ്രസ് അധ്യക്ഷന്‍ ഡി.കെ.ശിവകുമാര്‍ അറിയിച്ചു.
