ഏറ്റുമാനൂര്: സ്വകാര്യ ബസിന് പിന്നിലേക്ക് ടിപ്പർ ഇടിച്ചുകയറി രണ്ടുപേർക്ക് പരിക്ക്. വെള്ളിയാഴ്ച രാവിലെ 11.30ന് പട്ടിത്താനം ജങ്ഷനിലായിരുന്നു അപകടം. കോട്ടയം -എറണാകുളം റൂട്ടില് ഓടുന്ന ഗുരുപ്രസാദ് ബസിന് പിറകിലേക്കാണ് ടിപ്പര് ലോറി ഇടിച്ചുകയറിയത്.
യാത്രക്കാരെ കയറ്റാൻ ബസ് നിർത്തിയിരിക്കുകയായിരുന്നു. ബസിനെ ഇടിച്ചശേഷം ടിപ്പര് മറ്റൊരു കാറിലും ഇടിച്ചു.
കണ്ടക്ടര്ക്കും ബസിനു പിന്നിലിരുന്ന മറ്റൊരു യാത്രക്കാരനുമാണ് പരിക്ക്. ഇവരെ മെഡിക്കല് കോളജ് ആശുപത്രിയിൽ പ്രവേശിപ്പിച്ചു. ടിപ്പറിന്റെ മുന്ഭാഗവും ബസിനു പിന്വശവും പൂര്ണമായും തകര്ന്നു. കാറിനും കേടുപാടുകള് സംഭവിച്ചു.
അപകടത്തെ തുടർന്ന് ഏറെനേരം ഗതാഗതവും തടസ്സപ്പെട്ടു. പിന്നീട് ഏറ്റുമാനൂര് പൊലീസ് സ്ഥലത്തെത്തി ടിപ്പറും ബസും കാറും റോഡില്നിന്ന് നീക്കിയതിനു ശേഷമാണ് ഗതാഗതം പുനഃസ്ഥാപിച്ചത്.