തിരുവനന്തപുരം: ആരോഗ്യമന്ത്രി വീണാ ജോർജിന്റെ പേരിൽ തട്ടിപ്പ് നടത്താൻ ശ്രമം. മന്ത്രിയുടെ പേരും ഫോട്ടോയും ഉപയോഗിച്ച് വാട്സ്ആപ്പിലൂടെയാണ് തട്ടിപ്പിന് ശ്രമമുണ്ടായത്.
ആരോഗ്യവകുപ്പിലെ ഒരു ഡോക്ടർക്കാണ് വാട്സ്ആപ്പ് സന്ദേശം ലഭിച്ചത്. താനൊരു ക്രൂഷ്യൽ മീറ്റിംഗിലാണെന്നും സംസാരിക്കാൻ പറ്റില്ലെന്നും പറഞ്ഞായിരുന്നു സന്ദേശം. തുടർന്ന് തനിക്ക് സഹായം വേണമെന്നും ആമസോൺ പേ ഗിഫ്റ്റ് പരിചയമുണ്ടോയെന്നും ചോദിച്ചു.
ഇതോടെ ഡോക്ടർക്ക് സംശയം തോന്നി മന്ത്രിയുടെ ഓഫീസിനെ വിവരം അറിയിച്ചു. തുടർന്ന് മന്ത്രിയുടെ ഓഫീസ് പരാതി നൽകുകയായിരുന്നു.