തൃശൂര്: നെന്മണിക്കര കുടുംബാരോഗ്യ കേന്ദ്രത്തില് വാക്സിന് മാറി നല്കി. 80 കുട്ടികള്ക്കാണ് വാക്സിന് മാറി നല്കിയത്. ശനിയാഴ്ച എത്തിയ 12നും 14 നും ഇടയില് പ്രായമുള്ള കുട്ടികള്ക്കാണ് കോര്ബി വാക്സിന് പകരം കോ വാക്സിന് നല്കിയത്.
സംഭവത്തില് ആരോഗ്യ വകുപ്പ് അന്വേഷണം ആരംഭിച്ചു. സിഎംഒയ്ക്കാണ് അന്വേഷണ ചുമതല. ഏഴ് വയസിന് മുകളില് ഉള്ളവര്ക്ക് കൊവാക്സിന് നല്കാന് അനുമതി ഉണ്ടെന്നും ഭയപ്പെടേണ്ട സാഹചര്യം ഇല്ലെന്നും സ്ഥലത്തെത്തിയ ജില്ലാ കളക്ടര് ഹരിത വി. കുമാര് അറിയിച്ചു.
കളക്ടറുടെ നേതൃത്വത്തില് വാക്സിനെടുത്ത കുട്ടികളുടെ രക്ഷിതാക്കളെ വിളിച്ചു. കുട്ടികള്ക്ക് കോ വാക്സീന് നല്കിയാലും ആരോഗ്യ പ്രശ്നങ്ങള് ഉണ്ടാകില്ലെന്ന് ജില്ലാ കളക്ടര് അറിയിച്ചു.