തിരുവനന്തപുരം: വിദ്വേഷ പ്രസംഗ കേസിൽ പി.സി ജോർജ് ഞായറാഴ്ച ചോദ്യം ചെയ്യലിനു ഹാജരായില്ലെങ്കിൽ നിയമനടപടിയെന്ന് പോലീസ്. ചോദ്യം ചെ യ്യലിനു ഹാജരാകാത്തത് കോടതിയെ അറിയിക്കുമെന്നും തിരുവനന്തപുരം സിറ്റി പോലീസ് കമ്മീഷണർ പറഞ്ഞു.
ജാമ്യവ്യവസ്ഥ ലംഘിച്ചോയെന്ന് പരിശോധിക്കും. വെണ്ണലയിൽ പ്രസംഗിച്ചാൽ നിയമനടപടിയുണ്ടാകും. നിയമവശങ്ങൾ ആലോചിച്ച് ജോർജിനെതിരെ തുടർനടപടിയുണ്ടാകുമെന്നും പോലീസ് അറിയിച്ചു.
ആരോഗ്യപ്രശ്നങ്ങൾ മൂലം ചോദ്യം ചെയ്യലിനു ഹാജരാകാൻ കഴിയില്ലെന്നാണ് ജോർജ് പോലീസിനെ അറിയിച്ചിരിക്കുന്നത്. എന്നാൽ തൃക്കാക്കരയിൽ സ്വീകരണ പരിപാടികളിൽ പങ്കെടുക്കുമെന്നും ജോർജ് വ്യക്തമാക്കിയിട്ടുണ്ട്.
