തിരുവനന്തപുരം: വിദ്യാർഥി കൺസഷൻ ഔദാര്യമല്ലെന്ന് കെഎസ്‌യു സംസ്ഥാന പ്രസിഡന്‍റ് കെ.എം. അഭിജിത്ത്. കൺസഷൻ നൽകുന്നത് വിദ്യാർഥികൾക്ക് അപമാനമാണെന്ന ഗതാഗത മന്ത്രി ആന്‍റണി രാജുവിന്‍റെ പ്രസ്താവന പിൻവലിക്കണമെന്നും അഭിജിത്ത് ആവശ്യപ്പെട്ടു.
മന്ത്രി മാളികയിൽ താമസിക്കുന്ന ആന്‍റണി രാജു പാവപ്പെട്ടവനെ മറന്നു. അധികാരം കൈയിലുണ്ടെന്ന അഹങ്കാരത്തിൽ വിദ്യാർഥിസമൂഹത്തെയും പൊതുസമൂഹത്തെയും വെല്ലുവിളിക്കാനാണ് തയാറാകുന്നതെങ്കിൽ അത്തരം നടപടികളെ പ്രതിരോധിക്കാനും, തിരുത്തിക്കാനും കെഎസ്‌യു മുന്നിലുണ്ടാകുമെന്നും അഭിജിത്ത് ഫേസ്ബുക്ക് പോസ്റ്റിൽ പറഞ്ഞു.
എസ്എഫ്ഐയും മന്ത്രിയുടെ പ്രസ്താവനയ്ക്കെതിരെ രംഗത്തെത്തിയിരുന്നു.
