കൊച്ചി: സിനിമ, ടെലിവിഷൻ മേഖലയിൽ നിന്നുള്ളവരെ അടക്കം പങ്കെടുപ്പിച്ച് സെലിബ്രിറ്റി ക്രിക്കറ്റേഴ്സ് ഫ്രെട്ടേണിറ്റി (സി.സി.എഫ്) സംഘടിപ്പിക്കുന്ന പ്രഥമ സി.സി. എഫ് പ്രീമിയർ ലീഗ് ഏപ്രിൽ 19 മുതൽ 25 വരെ കളമശേരി സെന്റ്റ് പോൾസ് കോളേജ് ഗ്രൗണ്ടിൽ നടക്കും.
സിനിമ, ടെലിവിഷൻ, മീഡിയ, പരസ്യ മേഖലകളിൽ നിന്നുള്ള സെലിബ്രിറ്റികളും കലാകാരന്മാരും സാങ്കേതിക പ്രവർത്തകരും അടങ്ങുന്ന 12 ടീമുകൾ മത്സരത്തിൻ്റെ ഭാഗമാ കും. സൗത്താഫ്രിക്കൻ നാഷണൽ ടീം മുൻ ക്യാപ്റ്റൻ എബിഡി വില്ലേഴ്സ് ബ്രാൻഡ് അംബാസിഡറായുള്ള ലോകത്തെ ഏറ്റവും വലിയ അമേച്വർ ക്രിക്കറ്റ് ലീഗ് ആയ ലാസ്റ്റ് മാൻ സ്റ്റാന്റ്സുമായി സഹകരിച്ച് നടത്തുന്ന കേരളത്തിലെ ഏക ക്രിക്കറ്റ് ടൂർണമെന്റാണിത്.
ടൂർണമെന്റിന് മുന്നോടിയായുള്ള ഗ്രാൻഡ് ലോഞ്ച് നാളെ വൈകുന്നേരം നാലിന് വൈറ്റില ചക്കരപ്പറമ്പിലുള്ള ഹോളിഡേ ഇൻ ഹോട്ടലിൽ നടക്കും. സി.സി.എഫ് പ്രസിഡൻ്റ് അനിൽ തോമസ്, സെക്രട്ടറി സ്ലീബ വർഗീസ്, ട്രഷറർ സുധീപ് കാരാട്ട്, ഉണ്ണി മുകുന്ദൻ, മഹിമ നമ്പ്യാർ, സിജാ റോസ് തുടങ്ങിയവർ ചടങ്ങിൽ പങ്കെടുക്കും.
സുരാജ് വെഞ്ഞാറമ്മൂട് സെലിബ്രിട്ടി ഉടമയായിട്ടുള്ള സീബ്ര സീലോട്ട്സ്, സീ ഹോഴ്സ് സെയ്ലേഴ്സ് (ഉണ്ണി മുകുന്ദൻ), ടാർഗേറിയൻ ടെർൺസ് (വിജയ് യേശുദാസ്), റിനോ റേഞ്ചേഴ്സ് (ആന്റണി പെപ്പ്), ഫീനിക്സ് പാന്തേഴ്സ് (അഖിൽ മാരാർ), ലയൺ ലെജൻ്റ്സ് (സണ്ണി വെയ്ൻ), കംഗാരു നോക്കേഴ്സ് (ജോണി ആൻ്റണി), ഹിപ്പോ ഹിറ്റേഴ്സ് (ലൂക്ക്മാൻ), ഗൊറില്ല ഗ്ലൈഡേഴ്സ് (സാജു നവോദയ), ഫോക്സ് ഫൈറ്റേഴ്സ് (നരേൻ), ഈഗിൾ എംപയേഴ്സ് (സിജു വിൽസൻ), ചേതക് ചെയ്സേഴ്സ് (വിഷ്ണു ഉണ്ണികൃഷ്ണൻ) എന്നിങ്ങനെയാണ് ടീമുകൾ.
താരങ്ങളായ അൻസിബ ഹസൻ, മാളവിക മേനോൻ, ആരാധ്യ അൻ, ആര്യ ബാബു, രജീഷ വിജയൻ, മേഘാ തോമസ്, ശ്രുതി ലക്ഷ്മി, സെറീന ആൻ ജോൺസൺ, നൂറിൻ ഷെരീഫ്, സിജ റോസ്, പ്രയാഗ മാർട്ടിൻ, റിതു മന്ത്ര എന്നിവരാണ് ടീ അംബാസിഡർമാർ.
