കളമശ്ശേരി കുസാറ്റിൽ സംഭവിച്ച ദുരന്തത്തിൽ എൽഡിഎഫ് കൺവീനർ ഇ.പി ജയരാജൻ പ്രതികരിച്ചു. വളരെ ദുഖകരവും അതിധാരുണവുമായിട്ടുള്ള സംഭവമാണ് കുസാറ്റിൽ ഉണ്ടായിട്ടുള്ളത്. എല്ലാ മനുഷ്യരെയും വേദനിപ്പിക്കുന്ന ഒന്നാണ് നടന്നത്. ഇത്തരതത്തിലുള്ള ദാരുണമായ സംഭവങ്ങൾ ഉണ്ടാവാതിരിക്കാൻ ഈ അനുഭവത്തിൽ നിന്ന് നല്ല ശ്രദ്ധയോട് കൂടി ഭാവി കാര്യങ്ങൾ രൂപപ്പെടുത്താം എന്ന് ഇ.പി ജയരാജൻ പറഞ്ഞു.
വേർപ്പെട്ടു പോയ കുട്ടികളുടെ ഓർമകൾക്ക് മുന്നിൽ ആദരാഞ്ജലി അർപ്പിക്കുകയും ചെയ്തു. ഗുരുതരമായ അവസ്ഥയിലുള്ള രണ്ടു പേരെ കുറിച്ചും ആശുപത്രിയിൽ പരിക്കുപറ്റിയ 64 ഓളം ആളുകളെ കുറിച്ചും എല്ലാവരുടെ ദുഖത്തിലും പങ്കുചേരുന്നെന്നും അദ്ദേഹം അറിയിച്ചു.