ചന്ദ്രോപരിതലത്തിലെ രഹസ്യങ്ങള് തേടിയുള്ള ഐഎസ്ആര്ഒയുടെ മൂന്നാം ദൗത്യം ചന്ദ്രയാന് -3 കുതിച്ചുയര്ന്നു. ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററിലെ രണ്ടാം വിക്ഷേപണ തറയില് നിന്ന് 2.35നാണ് വിക്ഷേപണം നടന്നത്. ഐഎസ്ആര്ഒയുടെ കരുത്തുറ്റ വിക്ഷേപണ വാഹനമായ ജിഎസ്എല്വി മാര്ക്ക് ത്രീയുടെ ഏഴാം ദൗത്യമാണിത്. ചന്ദ്രയാന് പേടകവും വഹിച്ച് എല്.വി.എം ത്രീ റോക്കറ്റാണ് രാജ്യത്തിന്റെ അഭിമാനത്തോടൊപ്പം കുതിച്ചുയര്ന്നത്.
ചന്ദ്രയാന്-3 പേടകം ചന്ദ്രനിലെത്തുക ഓഗസ്റ്റ് 23നാണ്. ഭൂമിയില് നിന്ന് 36,500 കിലോമീറ്റര് അകലെയുള്ള ചന്ദ്രന്റെ പാര്ക്കിംഗ് ഓര്ബിറ്റിലേക്കാണ് ചന്ദ്രയാന് നീങ്ങുന്നത്. പാര്ക്കിംഗ് ഓര്ബിറ്റില് നിന്ന് അഞ്ച് ഘട്ടമായി ഭൂമിയില് നിന്നുള്ള അകലം വര്ധിപ്പിക്കും. ലാന്ഡറും റോവറും പ്രൊപ്പല്ഷന് മോഡ്യൂളും ചേര്ത്ത് വാഹനത്തിന്റെ ആകെ ഭാരം 3,900 കിലോഗ്രാമാണ്.