കോട്ടയം: എരുമേലി കണ്ണിമലയിൽ ശബരിമല തീർഥാടകർ സഞ്ചരിച്ചിരുന്ന വാൻ മറിഞ്ഞ് 10 വയസുകാരി മരിച്ചു. തമിഴ്നാട് സ്വദേശിയായ സംഗമിത്രയാണ് മരിച്ചത്. 17 പേർക്ക് പരിക്കേറ്റു.
ഉച്ചയ്ക്ക് മൂന്നിന് മുണ്ടക്കയം – എരുമേലി സംസ്ഥാന പാതയിലാണ് അപകടം സംഭവിച്ചത്. കണ്ണിമല ഭാഗത്തെ ഇറക്കത്തിൽ നിയന്ത്രണം നഷ്ടമായ വാഹനം ക്രാഷ് ബാരിയർ തകർത്ത് താഴ്ചയിലേക്ക് മറിയുകയായിരുന്നു.
ചെന്നൈ താംബരം സ്വദേശികളായ 21 തീർഥാടകർ സഞ്ചരിച്ചിരുന്ന വാഹനമാണ് അപകടത്തിൽപ്പെട്ടത്. പരിക്കേറ്റവർ കാഞ്ഞിരപ്പള്ളി ജനറൽ ആശുപത്രിയിൽ ചികിത്സയിലാണ്.
