തിരുവനന്തപുരം: കോർപറേഷനിലെ അനധികൃത നിയമനങ്ങൾക്കെതിരെ സമരം നടത്തിയ പ്രതിപക്ഷ അംഗങ്ങളെ സസ്പെൻഡ് ചെയ്ത നടപടിയിൽ പ്രതിഷേധിച്ച് രാപ്പകൽ സമരം നടത്തുമെന്ന് ബിജെപി അറിയിച്ചു.
കോർപറേഷൻ ഓഫീസ് പരിസരത്ത് 24 മണിക്കൂർ നീളുന്ന രാപ്പകൽ സമരം നടത്തുമെന്ന് പ്രഖ്യാപിച്ച ബിജെപി, കൗൺസിലർമാരെ കൈയേറ്റം ചെയ്ത നടപടി അപലപനീയമാണെന്ന് അറിയിച്ചു.
സസ്പെൻഷൻ നടപടി നേരി‌ട്ട കൗൺസിലർമാർ ബലം പ്രയോഗിച്ച് ഹാജർ ബുക്കിൽ ഒപ്പ് രേഖപ്പെടുത്തിയിരുന്നു. തങ്ങൾക്കെതിരായ നടപടി നിയമവിരുദ്ധമാണെന്ന് ആരോപിച്ചാണ് ഇവർ ഹാജർ രേഖപ്പെടുത്തിയത്. ഹാജർ ബുക്ക് പിടിച്ച് വാങ്ങാൻ ഭരണപക്ഷം ശ്രമിച്ചെങ്കിലും ബിജെപി വനിതാ കൗൺസിലർമാർ അനുവദിച്ചില്ല.
