തിരുവനന്തപുരം; ആര്യനാട് പൊലീസ് സ്റ്റേഷനിൽ വനിതാ പൊലീസുകാർ തമ്മിൽ വാക്കുതർക്കം. തിങ്കളാഴ്ച വൈകീട്ടാണ് സംഭവം. ആര്യനാട് സ്റ്റേഷന് പരിധിയില് ഒരു വിവാഹിതന് പതിനെട്ട് വയസ്സുകാരിയുമായി ഒളിച്ചോടിയിരുന്നു. പരാതിയുടെ അടിസ്ഥാനത്തില് ഇരുവരേയും പോലീസ് കണ്ടെത്തി. ഒളിച്ചോട്ട സംഭവത്തിലെ കക്ഷികളെ കോടതിയിൽ കൊണ്ടുപോകാനുള്ള തയ്യാറെടുപ്പുകൾക്കിടയിലാണ് തർക്കം. വനിതാ എസ്.ഐയുടെ മുന്നില്വെച്ചാണ് പോലീസുകാര് അച്ചടക്കം മറന്ന് പോരടിച്ചത്. സ്റ്റേഷനിലുണ്ടായിരുന്ന നാട്ടുകാരില് ചിലര് ചിത്രീകരിച്ച ദൃശ്യങ്ങളാണ് പുറത്തുവന്നിരിക്കുന്നത്.
ഒളിച്ചോട്ട സംഭവത്തിലെ കക്ഷികളെ കോടതിയില് ഹാജരാക്കാന് എസ്.ഐ വനിതാ പോലീസുകാരില് ഒരാളോട് നിര്ദേശിച്ചു. ഈ ജോലി ചെയ്യുന്നതുമായി ബന്ധപ്പെട്ടായിരുന്നു ഇരുവരു തമ്മില് തര്ക്കമുണ്ടായത്. ആരാണ് സീനിയര്, ജൂനിയര് എന്നത് സംബന്ധിച്ച് ഇവര് തമ്മില് നേരത്തെ തര്ക്കമുണ്ടായിരുന്നു. ഇതാണ് പരസ്പരമുള്ള പോര്വിളികളിലേക്ക് നീങ്ങിയത്. ‘എനിക്ക് സൗകര്യമില്ല ചെയ്യാന്’ എന്നതുള്പ്പെടെ പോലീസുകാരില് ഒരാള് പറയുന്നതും വീഡിയോയില് കേള്ക്കാം. ഇതുസംബന്ധിച്ച് സ്പെഷ്യല് ബ്രാഞ്ച് അന്വേഷണം ആരംഭിച്ചിട്ടുണ്ട്. സംഭവത്തില് എസ്ഐ ഇതുവരെ പ്രതികരിച്ചിട്ടില്ല