കൊച്ചി: കടലിൽ മത്സ്യ ബന്ധനത്തിനിടെ അതിഥി തൊഴിലാളി ഇടിമിന്നലേറ്റ് മരിച്ചു. തമിഴ്നാട് സ്വദേശി ബ്രിട്ടോ(38) ആണ് മരിച്ചത്. വെള്ളിയാഴ്ച രാത്രി എട്ടോടെ കൊച്ചി തുറമുഖത്തിന് 34 കിലോമീറ്റർ പടിഞ്ഞാറ് ആണ് അപകടം ഉണ്ടായത്.
നാലു പേരാണ് വള്ളത്തിൽ ഉണ്ടായിരുന്നത്. കൂടെ ഉണ്ടായിരുന്നവർ ബ്രിട്ടോയെ എറണാകുളം ജനറൽ ആശുപത്രിയിലെത്തിച്ചെങ്കിലും മരണംസംഭവിച്ചു.
കാളമുക്ക് ഹാർബറിൽ നിന്നും വെള്ളിയാഴ്ച മത്സ്യബന്ധനത്തിനു പോയ ഗോഡ് ഗ്രേസ് എന്ന ഫൈബർ വെള്ളത്തിലെ തൊഴിലാളിയാണ് ബ്രിട്ടോ. മൃതദേഹം എറണാകുളം ജനറൽ ആശുപത്രി മോർച്ചറിയിൽ.