കൊളംബോ: ശ്രീലങ്കയിൽ ഒറ്റ ദിവസം പെട്രോൾ ഡീസൽ വിലയിൽ വൻ കുതിപ്പ്. പെട്രോൾ വില ലീറ്ററിന് 77 രൂപയും ഡീസലിന് 55 രൂപയുമാണ് ഒറ്റ ദിവസം കൂടിയത്. ഇതോടെ ഒരു ലിറ്റർ പെട്രോളിന് 254 രൂപയാണ് പുതിയ വില (76.2 ഇന്ത്യൻ രൂപ). 176 രൂപയാണ് ഡീസൽ വില (52.8 ഇന്ത്യൻ രൂപ).
ഇന്ത്യൻ ഓയിൽ കോർപറേഷന്റെ സഹസ്ഥാപനമായ ലങ്ക ഐഒസി പെട്രോളിന് ലീറ്ററിന് 75 രൂപയും ഡീസലിന് ലീറ്ററിന് 50 രൂപയും വർധിപ്പിച്ചതിനു പിന്നാലെയാണ് വില വർദ്ധന. ലങ്കയിലെ കറൻസിക്ക് ഇന്ത്യൻ രൂപയെക്കാൾ മൂല്യം കുറവാണ്. 3.30 ലങ്കൻ രൂപയാണ് ഒരു ഇന്ത്യൻ രൂപ.
