ന്യൂഡൽഹി: വനിതകളുടെ പിജി ഹോസ്റ്റലിന് മുന്നിൽ യുവാവിന്റെ പരസ്യ സ്വയംഭോഗം. സംഭവത്തിന്റെ വീഡിയോ സഹിതം ഡൽഹി വനിതാ കമ്മീഷൻ അധ്യക്ഷ സ്വാതി മാലിവാള് പൊലീസിന് കൈമാറി. എത്രയും വേഗം നടപടി വേണമെന്നാണ് ആവശ്യം. ജൂൺ 12ന് അര്ധരാത്രിയാണ് സംഭവം. ഡൽഹി ഹഡ്സൺ ലെയിനിലെ പിജി ഹോസ്റ്റലിന് മുന്നിലാണ് സംഭവം.
വീഡിയോ പങ്കുവെച്ചുകൊണ്ട് സ്വാതി കുറിച്ചത് ഇങ്ങനെ- “രാത്രിയിൽ ഗേൾസ് ഹോസ്റ്റലിന് പുറത്ത് റോഡിൽ നിൽക്കുന്ന ഒരാൾ സ്വയംഭോഗം ചെയ്യുന്നതായി ഞങ്ങൾക്ക് രണ്ട് പരാതികൾ ലഭിച്ചു. രണ്ട് വീഡിയോകളും ഒരേ വ്യക്തിയുടേതാണെന്ന് തോന്നുന്നു. ഡൽഹി പോലീസിന് നോട്ടീസ് നൽകുകയും നടപടി റിപ്പോർട്ട് ആവശ്യപ്പെടുകയും ചെയ്തു. ഈ വിഷയം വളരെ ഗൗരവമുള്ളതാണ്”.