കൊച്ചി: ഫോർട്ടുകൊച്ചിയിൽ വൻ മയക്കുമരുന്നുവേട്ട. ഹാഷിഷ് ഓയിൽ, എൽഎസ്ഡി സ്റ്റാമ്പ്, എംഡിഎംഎ എന്നിവയുമായി ആറുപേർ പിടിയിലായി. ഫോർട്ടുകൊച്ചി പൊലീസാണ് ഇവരെ പിടികൂടിയത്.
നാല് മില്ലി വീതമുള്ള 20 ബോട്ടിൽ ഹാഷിഷ് ഓയിൽ, 16 എൽഎസ്ഡി സ്റ്റാമ്പുകൾ, അഞ്ച് ഗ്രാം എംഡിഎംഎയുമാണ് യുവാക്കളിൽ നിന്നും പിടിച്ചെടുത്തത്. ഫോർട്ടുകൊച്ചി കേന്ദ്രീകരിച്ച് വിനോദ സഞ്ചാരികൾക്കും യുവാക്കൾക്കും വലിയ രീതിയിൽ മയക്കുമരുന്ന് വിതരണം ചെയ്യുന്ന ഒരു സംഘം പ്രവർത്തിക്കുന്നുണ്ടെന്ന് വിവരം ലഭിച്ചതിനെത്തുടർന്നാണ് പൊലീസ് തെരച്ചിൽ നടത്തിയത്.
