കൊച്ചി: ചെറായി രക്തേശ്വരി ബീച്ചിൽ കുളിക്കുന്നതിനിടെ കാണാതായ ജാർഖണ്ഡ് സ്വദേശിയുടെ മൃതദേഹം കണ്ടെത്തി. ഷബാദ്(25)ന്റെ മൃതദേഹമാണ് കരയ്ക്കടിഞ്ഞത്. മത്സ്യതൊഴിലാളികളാണ് മൃതദേഹം കണ്ടത്.
ഞാറക്കൽ പോലീസ് സ്ഥലത്തെത്തി നടപടികൾ സ്വീകരിച്ച് മൃതദേഹം എറണാകുളം ജനറലാശുപത്രിയിലേക്ക് മാറ്റി. ഞായറാഴ്ച വൈകുന്നേരമാണ് ഷബാദ് അപകടത്തിൽ പെട്ടത്. എറണാകുളം പുല്ലേപ്പടിയിൽ താമസിക്കുന്ന അതിഥി തൊഴിലാളി സംഘത്തിലുള്ളയാളാണ് ഷബാദ്.