തിരുവനന്തപുരം: കെഎസ്ആര്ടിസി എംഡി നെതര്ലന്ഡിലേക്ക്. യൂറോപ്പിലെ ബസുകളെപ്പറ്റി പഠിക്കുന്നതിനുവേണ്ടിയാണ് കെഎസ്ആര്ടിസി സിഎംഡി ബിജു പ്രഭാകര് നെതർലൻഡിലെ ആംസ്റ്റർഡാം സന്ദർശിക്കാൻ ഒരുങ്ങുന്നത്.
മേയ് 11 മുതല് 14 വരെ ബിജു പ്രഭാകറിന്റെ യാത്ര. ബസുകളെക്കുറിച്ചുള്ള സെമിനാറില് പങ്കെടുക്കുന്ന അദ്ദേഹം നഗരഗതാഗത സംവിധാനത്തെക്കുറിച്ചുള്ള പഠനത്തിലും പങ്കെടുക്കും. കേന്ദ്ര സര്ക്കാരിന്റെ അനുമതിക്കു വിധേയമായിട്ടായിരിക്കും യാത്ര. അതേസമയം വിദേശയാത്രയ്ക്ക് വേണ്ടി ബിജു പ്രഭാകറിന് യാത്രാ ചെലവിനായി ദിവസേന 100 ഡോളര് നല്കണമെന്നാണ് പൊതുഭരണ വകുപ്പ് ഇറക്കിയിരിക്കുന്ന ഉത്തരവില് പറയുന്നത്.
കനത്ത സാമ്പത്തിക പ്രതിസന്ധിയെ തുടര്ന്ന് കെഎസ്ആര്ടിസിയില് ശമ്പളം മുടങ്ങുന്നത് വലിയ സമരത്തിലേക്ക് പോകുന്ന സാഹചര്യത്തിലാണ് സിഎംഡിയുടെ വിദേശയാത്ര.