കോട്ടയം: വെള്ളമില്ലാത്തതിനെ തുടർന്ന് കോട്ടയം മെഡിക്കൽ കോളേജിൽ ശസ്ത്രക്രിയകൾ മാറ്റിവെച്ചു. ശുചിമുറികളിലേക്ക് അടക്കമുള്ള അടിസ്ഥാന ആവശ്യങ്ങൾക്കായി ടാങ്കറുകളിൽ വെള്ളം എത്തിക്കും.
സർജിക്കൽ ബ്ലോക്കിലെ ജലസംഭരണികളിലേക്ക് വെള്ളം എത്തിക്കുന്ന പമ്പുകൾ തകരാറിൽ ആയതാണ് കാരണം. പമ്പുകൾ നന്നാക്കാനുള്ള പണികൾ ആരംഭിച്ചു.
പുതിയ സർജിക്കൽ ബ്ലോക്കിൻ്റെ എട്ടാം നിലയിലാണ് വാട്ടർ ടാങ്കുകൾ ഉള്ളത്. ഈ വാട്ടർടാങ്കറുകളിലേക്ക് വെള്ളം പമ്പ് ചെയ്യുന്ന പമ്പുകളും മോട്ടോറുകളും ആണ് തകരാറിലായത്.
വെള്ളമില്ലാതായതോടെ മുൻകൂട്ടി നിശ്ചയിച്ച ശസ്ത്ക്രിയകൾ മുടങ്ങിയിരിക്കുകയാണ്. 21ഓളം ശസ്ത്രക്രിയകളായിരുന്നു ഇന്ന് നടക്കേണ്ടിയിരുന്നത്.
വെള്ളമില്ല , കോട്ടയം മെഡിക്കൽ കോളേജിൽ ശസ്ത്രക്രിയകൾ മാറ്റിവെച്ചു
ഹോർമുസ് കടലിടുക്കിൽ ഇന്ത്യൻ കപ്പലുകൾക്ക് സുരക്ഷ ഉറപ്പ്; പ്രത്യേക ഇളവുകളുമായി ഇറാൻ
പശ്ചിമേഷ്യയിൽ യുദ്ധസമാനമായ സാഹചര്യം നിലനിൽക്കുന്ന പശ്ചാത്തലത്തിൽ ഹോർമുസ് കടലിടുക്കിലൂടെയുള്ള ഇന്ത്യൻ കപ്പലുകളുടെ സുഗമമായ സഞ്ചാരത്തിന് ഉറപ്പുനൽകി ഇറാൻ. ഇന്ത്യൻ കപ്പലുകൾക്ക് സുരക്ഷിത പാത ഒരുക്കുന്നതിന് പ്രത്യേക ക്രമീകരണങ്ങൾ ചെയ്യുന്നുണ്ടെന്ന് ഇന്ത്യയിലെ ഇറാൻ അംബാസഡർ മുഹമ്മദ് ഫതാലി വ്യക്തമാക്കി.
അമേരിക്കയുടെ നേതൃത്വത്തിൽ ഇറാനുനേരെ നാവിക ഉപരോധം കർശനമാക്കുന്നതിനിടയിലാണ് ഇന്ത്യയുമായുള്ള തന്ത്രപരമായ ബന്ധം ഇറാൻ വീണ്ടും ഊട്ടിയുറപ്പിക്കുന്നത്. ഡൽഹിയിൽ നടന്ന പത്രസമ്മേളനത്തിലാണ് അദ്ദേഹം ഇക്കാര്യങ്ങൾ അറിയിച്ചത്.
ഇന്ത്യയും ഇറാനും തമ്മിലുള്ളത് ദീർഘകാലത്തെ വിശ്വസ്തമായ പങ്കാളിത്തമാണെന്ന് അദ്ദേഹം ഓർമ്മിപ്പിച്ചു. നിലവിലെ പ്രതിസന്ധി ഘട്ടത്തിലും ഇന്ത്യയെ തങ്ങളുടെ മുൻഗണനാ രാജ്യങ്ങളുടെ പട്ടികയിലാണ് ഇറാൻ ഉൾപ്പെടുത്തിയിരിക്കുന്നത്.
കടലിടുക്കിലൂടെ കടന്നുപോകുന്ന ഇന്ത്യൻ കപ്പലുകളിൽ നിന്ന് ടോൾ ഈടാക്കുന്നുവെന്ന വാർത്തകൾ അദ്ദേഹം നിഷേധിച്ചു. ഇതുവരെ ഒരു കപ്പലിൽ നിന്നും ഇറാൻ പണം ഈടാക്കിയിട്ടില്ലെന്ന് അദ്ദേഹം വ്യക്തമാക്കി.
ഇന്ത്യൻ കപ്പലുകൾക്ക് സുരക്ഷിതമായി നീങ്ങാൻ ആവശ്യമായ ഗതിനിർണ്ണയ സഹായം നൽകാൻ ഇറാൻ സന്നദ്ധമാണ്. ഹോർമുസ് കടലിടുക്ക് ഇറാന്റെ സമുദ്രപരിധിയിൽ വരുന്നതാണെന്നും അദ്ദേഹം ആവർത്തിച്ചു.
പ്രധാനമന്ത്രി നരേന്ദ്ര മോദിയും ഇറാൻ പ്രസിഡന്റ് മസൂദ് പെസെഷ്കിയാനും തമ്മിൽ നടന്ന ചർച്ചകൾ ഈ തീരുമാനത്തിൽ നിർണ്ണായകമായി. ഇരുരാജ്യങ്ങളും ഒരേ താൽപ്പര്യങ്ങളും വിധിയുമാണ് പങ്കിടുന്നതെന്ന് അംബാസഡർ പറഞ്ഞു.
നിലവിൽ എൽപിജി വഹിച്ചുകൊണ്ടുള്ള ഒൻപതോളം ഇന്ത്യൻ കപ്പലുകൾ സുരക്ഷിതമായി ഈ പാത കടന്നുപോയിട്ടുണ്ട്. എന്നാൽ മറ്റ് 15 കപ്പലുകൾ പേർഷ്യൻ ഗൾഫ് മേഖലയിൽ ഇപ്പോഴും കുടുങ്ങിക്കിടക്കുകയാണ്.
മേഖലയിൽ യുഎസ് നാവിക ഉപരോധം നിലവിൽ വന്നതോടെ ചരക്ക് നീക്കം വലിയ പ്രതിസന്ധിയിലായിരുന്നു. ഈ സാഹചര്യത്തിൽ ഇറാന്റെ സഹായം ഇന്ത്യയുടെ ഊർജ്ജ സുരക്ഷയ്ക്ക് വലിയ ആശ്വാസമാണ്.
ഇന്ത്യ ഇറക്കുമതി ചെയ്യുന്ന ക്രൂഡ് ഓയിലിന്റെയും എൽപിജിയുടെയും പകുതിയോളം ഈ ഹോർമുസ് പാതയിലൂടെയാണ് വരുന്നത്. അതിനാൽ തന്നെ ഇവിടത്തെ തടസ്സങ്ങൾ ഇന്ത്യൻ വിപണിയെ സാരമായി ബാധിക്കും.
സമാധാന ചർച്ചകൾക്ക് ഇറാൻ തയ്യാറാണെങ്കിലും അമേരിക്കയുടെ അനാവശ്യ ഡിമാൻഡുകൾ അംഗീകരിക്കില്ലെന്ന് ഫതാലി വ്യക്തമാക്കി. നിലവിലെ പ്രതിസന്ധിക്ക് കാരണം യുഎസ് പ്രസിഡന്റ് ഡൊണാൾഡ് ട്രംപിന്റെ നിലപാടുകളാണെന്നും അദ്ദേഹം കുറ്റപ്പെടുത്തി.
സഭയെ പിണക്കേണ്ടെന്ന നിലപാടിൽ ബിജെപി നേതൃത്വം
തിരുവനന്തപുരം: വിമർശനം സഭക്ക് എതിരെ അല്ല ദീപികക്ക് എതിരെ എന്ന് ബിജെപി നേതൃത്വം കോർ കമ്മിറ്റിയിൽ വിശദീകരിച്ചു.
സഭയോടും ദീപിക പത്രത്തോടുമുള്ള ഉള്ള പോര് നീട്ടേണ്ടെന്ന നിലപാടിലാണ് ബിജെപി നേതൃത്വം. ക്രിസ്ത്യൻ ഔട്ട് റീച്ച് പാളിയെന്ന് നേതൃത്വം വിലയിരുത്തുമ്പോഴും സഭയെ പിണക്കേണ്ടെന്ന് യോഗത്തിൽ ധാരണയായി.
പി സി ജോർജിന്റെയും ഷോൺ ജോർജിൻറെയും സഭാ വിമർശനം യോഗത്തിൽ ചർച്ചയായി. പാർട്ടി അറിവോടെ ആണോ ഇരുവരുടെയും വിമർശനമെന്ന് ഒരു വിഭാഗം നേതാക്കൾ യോഗത്തിൽ ചോദിച്ചു.
എന്നാൽ സഭയെ അല്ല ദീപികയിലെ ലേഖനങ്ങളെ ആണ് വിമർശിച്ചതെന്നാണ് ജോർജും ഷോണും മറുപടി നൽകിയതെന്ന് നേതൃത്വം വിശദീകരിച്ചു.
അമേരിക്കയുടെ പ്രകോപനം മേഖലയെ അപകടത്തിലാക്കും; റഷ്യയോട് പരാതിപ്പെട്ട് ഇറാൻ
പേർഷ്യൻ ഗൾഫിലും ഹോർമുസ് കടലിടുക്കിലും അമേരിക്ക നടത്തുന്ന പ്രകോപനപരമായ നീക്കങ്ങൾ വലിയ പ്രത്യാഘാതങ്ങൾ ഉണ്ടാക്കുമെന്ന് റഷ്യയ്ക്ക് ഇറാന്റെ മുന്നറിയിപ്പ്. ഇറാൻ വിദേശകാര്യ മന്ത്രി അബ്ബാസ് അരാഗ്ചി റഷ്യൻ വിദേശകാര്യ മന്ത്രി സെർജി ലാവ്റോവുമായി നടത്തിയ ടെലിഫോൺ സംഭാഷണത്തിലാണ് ആശങ്ക അറിയിച്ചത്.
യുഎസ് പ്രസിഡന്റ് ഡൊണാൾഡ് ട്രംപിന്റെ ഉത്തരവിനെത്തുടർന്ന് ഹോർമുസ് കടലിടുക്കിൽ അമേരിക്ക നാവിക ഉപരോധം ഏർപ്പെടുത്തിയ സാഹചര്യത്തിലാണ് ഈ നിർണ്ണായക നീക്കം. അമേരിക്കയുടെ നടപടികൾ പ്രാദേശികവും ആഗോളവുമായ സമാധാനത്തിന് ഭീഷണിയാണെന്ന് ഇറാൻ വ്യക്തമാക്കി.
കഴിഞ്ഞ ദിവസങ്ങളിൽ ഇസ്ലാമാബാദിൽ നടന്ന ഇറാൻ-യുഎസ് ചർച്ചകളുടെ വിശദാംശങ്ങളും അരാഗ്ചി ലാവ്റോവിനെ ധരിപ്പിച്ചു. സമാധാന ചർച്ചകൾ പുരോഗമിക്കുന്നതിനിടയിലും അമേരിക്ക സൈനിക സമ്മർദ്ദം ചെലുത്തുന്നത് ശരിയല്ലെന്ന നിലപാടിലാണ് ഇറാൻ.
ഇറാനെതിരെയുള്ള ഇസ്രായേൽ-അമേരിക്കൻ ആക്രമണങ്ങളുടെ പ്രത്യാഘാതങ്ങൾ മറികടക്കാൻ റഷ്യയുടെ എല്ലാവിധ പിന്തുണയും ലാവ്റോവ് ഉറപ്പുനൽകി. മേഖലയിലെ സംഘർഷം ഒഴിവാക്കാൻ നയതന്ത്രപരമായ ഇടപെടലുകൾ തുടരണമെന്ന് റഷ്യ ആവശ്യപ്പെട്ടു.
അതേസമയം ഇറാൻ തുറമുഖങ്ങൾക്ക് ചുറ്റുമുള്ള ഉപരോധം കർശനമാക്കാൻ യുഎസ് നേവിക്ക് പ്രസിഡന്റ് ഡൊണാൾഡ് ട്രംപ് നിർദ്ദേശം നൽകിയിട്ടുണ്ട്. അമേരിക്കൻ കപ്പലുകളെ ലക്ഷ്യം വയ്ക്കുന്ന ഏത് നീക്കവും കടുത്ത പ്രത്യാഘാതങ്ങൾ വിളിച്ചുവരുത്തുമെന്ന് അദ്ദേഹം മുന്നറിയിപ്പ് നൽകി.
മേഖലയിൽ വിമാനവാഹിനിക്കപ്പലായ യുഎസ്എസ് എബ്രഹാം ലിങ്കൺ ഉൾപ്പെടെ പതിനഞ്ചോളം യുദ്ധക്കപ്പലുകളാണ് നിലയുറപ്പിച്ചിരിക്കുന്നത്. ഇറാനിയൻ അതിവേഗ ബോട്ടുകൾ ഉപരോധം ലംഘിക്കാൻ ശ്രമിച്ചാൽ അവ തകർക്കുമെന്നും ട്രംപ് വ്യക്തമാക്കി.
ഈ സൈനിക നീക്കങ്ങൾ അന്താരാഷ്ട്ര നിയമങ്ങളുടെ ലംഘനമാണെന്ന് ഇറാൻ ആരോപിക്കുന്നു. സമുദ്രയാത്രയ്ക്കുള്ള അവകാശം തടയുന്നത് കടൽക്കൊള്ളയ്ക്ക് തുല്യമാണെന്നാണ് ഇറാന്റെ വാദം.
മേഖലയിൽ രണ്ട് ആഴ്ചത്തെ താൽക്കാലിക വെടിനിർത്തൽ നിലവിലുണ്ടെങ്കിലും ഇരുവിഭാഗവും കടുത്ത ജാഗ്രതയിലാണ്. ചൈനയും തുർക്കിയും ഉൾപ്പെടെയുള്ള രാജ്യങ്ങൾ സമാധാന ശ്രമങ്ങളുമായി രംഗത്തുണ്ട്.
ഹോർമുസ് കടലിടുക്കിലൂടെയുള്ള എണ്ണനീക്കം തടസ്സപ്പെടുന്നത് ആഗോള വിപണിയിൽ വലിയ പ്രത്യാഘാതങ്ങൾ ഉണ്ടാക്കുന്നുണ്ട്. ഇതിനിടയിലാണ് റഷ്യയെ കൂട്ടുപിടിച്ച് അമേരിക്കയ്ക്കെതിരെ ഇറാൻ സമ്മർദ്ദം ശക്തമാക്കുന്നത്.
അമേരിക്കൻ സൈനികരുടെ നീക്കങ്ങൾ സൂക്ഷ്മമായി നിരീക്ഷിക്കുകയാണെന്ന് ഇറാന്റെ വിപ്ലവ ഗാർഡും വ്യക്തമാക്കിയിട്ടുണ്ട്. ഏത് അടിയന്തര സാഹചര്യത്തെയും നേരിടാൻ സൈന്യം സജ്ജമാണെന്ന് അവർ അറിയിച്ചു.
തിരഞ്ഞെടുപ്പ് ജോലികൾ ചെയ്ത ബിഎൽഒമാർക്ക് വേതനം കുടിശിക; വൻ പ്രതിഷേധം
സംസ്ഥാനത്ത് തിരഞ്ഞെടുപ്പ് ജോലികളിൽ പങ്കെടുത്ത ബൂത്ത് ലെവൽ ഓഫീസർമാർക്ക് (ബിഎൽഒ) മാസങ്ങളായിട്ടും വേതനം ലഭിക്കാത്തതായി പരാതി. എസ്ഐആർ ഉൾപ്പെടെ വിവിധ തെരഞ്ഞെടുപ്പ് ചുമതലകൾ നിർവഹിച്ചിട്ടും അർഹമായ പ്രതിഫലം നൽകാത്തതിൽ പ്രതിഷേധം ശക്തമാകുകയാണ്.
ഇതര സംസ്ഥാനങ്ങളിൽ കൂടുതൽ പ്രതിഫലം ലഭിക്കുമ്പോഴും കേരളത്തിൽ തുച്ഛമായ തുകയാണ് നൽകുന്നതെന്നാണ് ബിഎൽഒമാരുടെ പ്രധാന ആരോപണം.
കിട്ടേണ്ട പ്രതിഫലം ഇപ്പോഴും കുടിശികയായതിനെ തുടർന്ന് കോഴിക്കോട് ജില്ലാ കളക്ടർക്ക് ബിഎൽഒമാർ നിവേദനം സമർപ്പിച്ചു. എസ്ഐആർ പ്രഖ്യാപനം മുതൽ വോട്ടെടുപ്പ് വരെ മാസങ്ങളോളം വിശ്രമമില്ലാതെ ജോലി ചെയ്തവരാണ് ഇവർ. വോട്ടർ പട്ടിക പുതുക്കൽ, വീടുകളിലെത്തി വിവരശേഖരണം, വോട്ടർ സ്ലിപ്പ് വിതരണം എന്നിവ ഉൾപ്പെടെ നിരവധി ചുമതലകൾ നിർവഹിച്ചിട്ടും വാഗ്ദാനം ചെയ്ത കൂലി ലഭിച്ചിട്ടില്ലെന്നാണ് പരാതികൾ.
വോട്ടെടുപ്പ് ദിവസത്തെ സഹായകേന്ദ്രത്തിന് ₹900, സ്ലിപ്പ് വിതരണത്തിന് ₹600, ഹോം വോട്ടിംഗിന് ₹650 എന്നിങ്ങനെ ഓരോരുത്തർക്കും ₹2000 മുതൽ ₹6000 വരെ ലഭിക്കാനുണ്ടെന്നാണ് കണക്കുകൾ. എന്നാൽ ഇതുവരെ ലഭിച്ചത് വോട്ടെടുപ്പിന്റെ മുൻദിനം നൽകിയ ഒരു കുട മാത്രമാണെന്നും അവർ പറയുന്നു.
വോട്ടർ പട്ടികയുടെ കൃത്യത ഉറപ്പാക്കാൻ കഠിനമായി പ്രവർത്തിച്ച ബിഎൽഒമാർ ഇപ്പോൾ അർഹമായ വേതനം ആവശ്യപ്പെട്ട് കളക്ടറേറ്റിൽ കയറിറങ്ങുകയാണ്. വേതനം ഉടൻ നൽകണമെന്നും ഓണറേറിയം വർദ്ധിപ്പിക്കണമെന്നും പ്രധാന ആവശ്യം. അടിയന്തര നടപടി ഉണ്ടായില്ലെങ്കിൽ അടുത്ത ദിവസങ്ങളിൽ ശക്തമായ പ്രതിഷേധത്തിലേക്ക് കടക്കാനാണ് തീരുമാനമെന്നും അവർ മുന്നറിയിപ്പ് നൽകി.
എന്റെ പൊന്നേ; ഈ മാസത്തെ ഏറ്റവും കൂടിയ നിരക്കിൽ സ്വർണം
തിരുവനന്തപുരം: സംസ്ഥാനത്ത് സ്വർണവില വീണ്ടും ഉയർന്നു. ഇന്ന് രാവിലെയോടെ 22 കാരറ്റ് ഒരു പവൻ സ്വർണത്തിന്റെ വില ₹1,12,880 ആയി. ഗ്രാമിന് ₹14,110 എന്നതാണ് ഇന്നത്തെ നിരക്ക് എന്ന് കേരള ഗോൾഡ് ആന്റ് സിൽവർ മെർച്ചന്റ്സ് അസോസിയേഷൻ അറിയിച്ചു.
ഇന്നലത്തെ ₹1,11,800 എന്ന നിലയിൽ നിന്ന് ഇന്ന് ₹1,080യുടെ വർധനവാണ് രേഖപ്പെടുത്തിയിരിക്കുന്നത്. ഗ്രാമിന് ₹135 കൂടി ഉയർന്നിട്ടുണ്ട്.
അതേസമയം വെള്ളിവിലയിൽ മാറ്റമില്ല. ഒരു ഗ്രാമിന് ₹255യും 10 ഗ്രാമിന് ₹2,550യുമാണ് ഇന്നത്തെ വില.
ആഗോള വിപണിയിൽ എണ്ണവില കുതിച്ചുയരുന്നു, ആശങ്കയിൽ ലോകരാജ്യങ്ങൾ
ഇറാനുമായുള്ള സമാധാന ചർച്ചകൾ പരാജയപ്പെട്ടതിന് പിന്നാലെ കടുത്ത നടപടികളുമായി അമേരിക്ക മുന്നോട്ട് പോകുകയാണ്. ഇറാന്റെ തുറമുഖങ്ങൾ പൂർണ്ണമായും ഉപരോധിക്കുമെന്ന് അമേരിക്കൻ സൈന്യം പ്രഖ്യാപിച്ചു. തിങ്കളാഴ്ച മുതൽ ഈ ഉപരോധം നിലവിൽ വരുമെന്നാണ് വൈറ്റ് ഹൗസ് വൃത്തങ്ങൾ നൽകുന്ന സൂചന.
പ്രസിഡന്റ് ഡൊണാൾഡ് ട്രംപിന്റെ ഈ നിർണ്ണായക പ്രഖ്യാപനത്തിന് പിന്നാലെ ആഗോള വിപണിയിൽ എണ്ണവില കുത്തനെ വർദ്ധിച്ചു. ലോകത്തെ പ്രധാന എണ്ണക്കടത്തു പാതയായ ഹോർമുസ് കടലിടുക്കിൽ നിയന്ത്രണം വരുന്നതോടെ വിതരണം തടസ്സപ്പെടുമെന്ന ഭീതിയാണ് വില വർദ്ധനവിന് കാരണം. ബ്രെന്റ് ക്രൂഡ് ഓയിലിന്റെ വിലയിൽ വലിയ മാറ്റങ്ങളാണ് രേഖപ്പെടുത്തുന്നത്.
ഇറാന്റെ ആണവ പദ്ധതികളുമായി ബന്ധപ്പെട്ട് നടന്ന ചർച്ചകൾ ലക്ഷ്യം കാണാതെ പിരിഞ്ഞതാണ് ഇത്തരമൊരു നീക്കത്തിലേക്ക് അമേരിക്കയെ നയിച്ചത്. ഇറാന്റെ സാമ്പത്തിക സ്രോതസ്സുകൾ പൂർണ്ണമായും ഇല്ലാതാക്കുക എന്നതാണ് പുതിയ ഉപരോധത്തിലൂടെ ട്രംപ് ഭരണകൂടം ലക്ഷ്യം വെക്കുന്നത്. പശ്ചിമേഷ്യയിൽ ഇത് വലിയ സംഘർഷ സാധ്യതകൾക്ക് വഴിതുറന്നിട്ടുണ്ട്.
അമേരിക്കൻ നാവികസേനയുടെ യുദ്ധക്കപ്പലുകൾ ഇറാന്റെ കടൽ അതിർത്തികളിൽ നിരീക്ഷണം ശക്തമാക്കിയിട്ടുണ്ട്. തിങ്കളാഴ്ച മുതൽ ഒരു കപ്പലും ഇറാനിയൻ തുറമുഖങ്ങളിലേക്ക് പ്രവേശിക്കാൻ അനുവദിക്കില്ലെന്ന് സൈന്യം മുന്നറിയിപ്പ് നൽകി. ഇത് അന്താരാഷ്ട്ര കപ്പൽ ഗതാഗതത്തെയും ബാധിക്കാൻ സാധ്യതയുണ്ട്.
എണ്ണ വിപണിയിലെ ഈ അനിശ്ചിതത്വം ഇന്ത്യയുൾപ്പെടെയുള്ള ഇറക്കുമതി രാജ്യങ്ങളെ ആശങ്കയിലാക്കുന്നുണ്ട്. വില വർദ്ധനവ് ആഗോള സാമ്പത്തിക വളർച്ചയെ ബാധിക്കുമെന്ന മുന്നറിയിപ്പുമായി സാമ്പത്തിക വിദഗ്ധർ രംഗത്തെത്തി. ഇന്ധനവില വർദ്ധിക്കുന്നത് ചരക്ക് നീക്കത്തെയും ബാധിച്ചേക്കാം.
അമേരിക്കയുടെ നീക്കത്തിനെതിരെ ഇറാൻ കടുത്ത പ്രതികരണവുമായി രംഗത്തെത്തിയിട്ടുണ്ട്. തങ്ങളുടെ താൽപ്പര്യങ്ങൾ സംരക്ഷിക്കാൻ എന്ത് നടപടിയും സ്വീകരിക്കുമെന്ന് ഇറാൻ വ്യക്തമാക്കി. ഇതോടെ മേഖലയിൽ യുദ്ധസമാനമായ സാഹചര്യമാണ് നിലനിൽക്കുന്നത്.
അമേരിക്കയിൽ പ്രസിഡന്റ് ഡൊണാൾഡ് ട്രംപ് തന്റെ കർക്കശമായ വിദേശനയം തുടരുമെന്ന സൂചനയാണ് ഇതിലൂടെ നൽകുന്നത്. നയതന്ത്ര ചർച്ചകളിലൂടെ പ്രശ്നം പരിഹരിക്കാൻ ഇനി സാധ്യതയില്ലെന്നാണ് പെന്റഗൺ വിലയിരുത്തുന്നത്. ലോകരാജ്യങ്ങൾ അതീവ ജാഗ്രതയോടെയാണ് ഈ നീക്കങ്ങളെ നിരീക്ഷിക്കുന്നത്.
വിഷു ആഘോഷങ്ങൾക്കായി ഒരുങ്ങി മലയാളികൾ; സജീവമായി വിഷു വിപണി
കോഴിക്കോട്: വിഷു ആഘോഷങ്ങൾക്കായി മലയാളികൾ ഒരുങ്ങി. വിഷു വിപണിയും സജീവമായി കഴിഞ്ഞു. വിവിധ നിറങ്ങളും പുതിയ ഡിസൈനുകളും ഉൾക്കൊള്ളുന്ന പടക്കങ്ങൾ ഇത്തവണ വിപണിയെ കൂടുതൽ ആകർഷകമാക്കുകയാണ്.
ശബ്ദത്തേക്കാൾ കാഴ്ചയ്ക്ക് പ്രാധാന്യം നൽകുന്ന വർണാഭമായ പടക്കങ്ങളാണ് ഈ വർഷത്തെ പ്രധാന പ്രത്യേകത. ‘ഏരിയൽ ഡിസ്പ്ലേ’ വിഭാഗത്തിലുള്ള പടക്കങ്ങൾക്കാണ് കൂടുതൽ ആവശ്യക്കാർ എന്നാണ് ലഭിക്കുന്ന റിപ്പോർട്ട്. ആകാശത്ത് വർണവിസ്മയം തീർക്കുന്ന ഇത്തരം പടക്കങ്ങൾ വലിയ സ്വീകാര്യതയാണ് നേടുന്നത്.
കുട്ടികൾക്കായി കാർട്ടൂൺ തീം പടക്കങ്ങൾ, കുറഞ്ഞ ശബ്ദത്തിൽ നിറങ്ങൾ വിതറുന്ന മൾട്ടി കളർ ഷോകൾ തുടങ്ങിയവയും വിപണിയിൽ ശ്രദ്ധ നേടുന്നു. മാർച്ച് തുടക്കത്തിൽ തന്നെ വിൽപ്പന ആരംഭിച്ചെങ്കിലും തെരഞ്ഞെടുപ്പിനെ തുടർന്ന് ചെറിയ ഇടവേളയുണ്ടായി. വോട്ടെടുപ്പ് കഴിഞ്ഞതോടെ വിപണികളിൽ തിരക്ക് വീണ്ടും കൂടിയതായി വ്യാപാരികൾ പറയുന്നു.
പരിസ്ഥിതി സൗഹൃദ ‘ഗ്രീൻ ക്രാക്കറുകൾ’ക്കും ഈ വർഷം വലിയ ഡിമാൻഡാണ്. ശബ്ദമാലിന്യം കുറച്ച് നിറങ്ങളുടെ ഭംഗി കൂടുതൽ നൽകുന്ന രീതിയിലാണ് ഇത്തവണത്തെ പടക്കങ്ങൾ ഒരുക്കിയിരിക്കുന്നത്.
പുതിയ പ്രതീക്ഷകളോടെയാണ് മലയാളികൾ വിഷുവിനെ വരവേൽക്കുന്നത്. വിപണിയിലെ ഈ സജീവത വിഷുക്കാലത്തെ കൂടുതൽ വർണാഭമാക്കുമെന്ന് വ്യാപാരികൾ പ്രതീക്ഷിക്കുന്നു.
ആഭരണപ്രേമികൾക്ക് ആശ്വസിക്കാം; സ്വർണ്ണവിലയിൽ ഇടിവ്
തിരുവനന്തപുരം: സ്വര്ണം വാങ്ങാന് കാത്തിരുന്നവര്ക്ക് ഇന്നത്തെ വിലയില് ആശ്വസിക്കാം.ഒരു പവന് സ്വര്ണത്തിന് 1,12,080 രൂപയില് നിന്ന് 260 രൂപ കുറഞ്ഞ് 1,11,800 രൂപയിലേക്കാണ് സ്വര്ണവില താഴ്ന്നത്.
ഒരു ഗ്രാമിന് 14,010 രൂപയില് നിന്ന് 13,975 രൂപയിലേക്കും വിലയെത്തി. 35 രൂപയാണ് ഒരു ഗ്രാമിന് കുറഞ്ഞത്. ഓരോ ദിവസവും വലിയ മാറ്റങ്ങൾ ആണ് സ്വർണവിലയിൽ ഉണ്ടാകുന്നത്. വിലയിൽ ഇടിവ് സംഭവിക്കുന്നുണ്ട് എങ്കിലും അത് മൊത്തത്തിലുള്ള വിലയെ ബാധിക്കാറില്ല. കാരണം പണിക്കൂലി ഉൾപ്പെടെ സ്വർണം വാങ്ങുമ്പോൾ നല്ല വിലയാകും.
അതേസമയം, വെള്ളിക്കും വില കുറഞ്ഞിട്ടുണ്ട്.കിലോയ്ക്ക് 100 രൂപ കുറഞ്ഞ് 2,64,900 രൂപയും ഗ്രാമിന് 10 പൈസ കുറഞ്ഞ് 264.90 രൂപയുമാണ് ഇന്നത്തെ വില.
പോളിംഗ് കണക്ക് വൈകുന്നതില് അസ്വാഭാവികത ഇല്ലെന്ന് തെരഞ്ഞെടുപ്പ് കമ്മീഷൻ
തിരുവനന്തപുരം: കേരളത്തില് പോളിംഗ് ശതമാന കണക്കുകള് പുറത്തുവിടുന്നതില് ഉണ്ടായ വൈകലിൽ അസ്വാഭാവികതയില്ലെന്ന് വ്യക്തമാക്കി തെരഞ്ഞെടുപ്പ് കമ്മീഷന്. കണക്കുകള് മനപ്പൂര്വം വൈകിപ്പിക്കുന്നതല്ലെന്നും, വരണാധികാരികള് കണക്കുകള് പൂര്ത്തിയാക്കിയ ഉടന് വിവരങ്ങള് പുറത്തുവിടുമെന്നും കമ്മീഷന് അറിയിച്ചു.
ഓരോ ബൂത്തിലെയും വോട്ടിംഗ് വിവരങ്ങള് ഇതിനകം തന്നെ രാഷ്ട്രീയ പാര്ട്ടികളുടെ ഏജന്റുമാര്ക്ക് നല്കിയിട്ടുണ്ടെന്നും കമ്മീഷന് കൂട്ടിച്ചേര്ത്തു.
അതേസമയം, വോട്ടെടുപ്പ് കഴിഞ്ഞിട്ടും കൃത്യമായ പോളിംഗ് ശതമാനം പുറത്തുവന്നിട്ടില്ലെന്നാരോപിച്ച് പ്രതിപക്ഷ നേതാവ് വി.ഡി. സതീശന് പ്രതിഷേധം രേഖപ്പെടുത്തി. നിയോജക മണ്ഡലം അടിസ്ഥാനത്തിലുള്ള കണക്കുകളും പോസ്റ്റല് വോട്ടുകളുടെ വിവരങ്ങളും അടിയന്തരമായി പ്രസിദ്ധീകരിക്കണമെന്നാവശ്യപ്പെട്ട് അദ്ദേഹം കേന്ദ്ര തെരഞ്ഞെടുപ്പ് കമ്മീഷണര്ക്ക് കത്തയച്ചു.
തിരഞ്ഞെടുപ്പ് പ്രക്രിയയുടെ വിശ്വാസ്യത നിലനിര്ത്താന് കൃത്യമായ കണക്കുകള് പൊതുജനങ്ങള്ക്ക് ലഭ്യമാക്കണം. പോളിംഗ് വിവരങ്ങളും പോസ്റ്റല് ബാലറ്റുകളുടെ എണ്ണവും തെരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റില് ഉടന് അപ്ലോഡ് ചെയ്യണമെന്നും അദ്ദേഹം ആവശ്യപ്പെട്ടു.
കണക്കുകള് പുറത്തുവിടുന്നതില് ഉണ്ടായ താമസം രാഷ്ട്രീയ രംഗത്ത് സംശയങ്ങള്ക്ക് ഇടയാക്കുന്നുവെന്നും, ഇത് ഒഴിവാക്കാന് അടിയന്തര നടപടി ആവശ്യമാണ് എന്നും കത്തില് വ്യക്തമാക്കുന്നു.
ആലത്തൂരിൽ മോഷണം നടത്തിയ കള്ളന് മാനസാന്തരം; സ്വർണവും പണവും തിരികെ വെച്ചു
Alathur: തരൂരിൽ ഒരു വീട്ടിൽ മോഷണം നടത്തിയ കള്ളന് പിന്നാലെ മാനസാന്തരം തോന്നി. മോഷ്ടിച്ച 10 പവൻ സ്വർണവും ₹90,000 രൂപയും കള്ളൻ വീട്ടുമുറ്റത്ത് തിരികെ വെച്ച നിലയിൽ കണ്ടെത്തി.
പി.കെ. ജോയിയുടെ വീട്ടിലാണ് സംഭവം നടന്നത്. വീട്ടുകാർ പുറത്തുപോയ സമയത്ത് സിറ്റൗട്ടിൽ സൂക്ഷിച്ചിരുന്ന താക്കോൽ ഉപയോഗിച്ച് കള്ളൻ വീടുതുറന്ന് മോഷണം നടത്തുകയായിരുന്നു.
ഞായറാഴ്ച രാവിലെ വീട്ടുമുറ്റത്തെ കിണറിനരികിൽ ഒരു കടലാസ് പെട്ടി കണ്ടത് ശ്രദ്ധയിൽപ്പെട്ട വീട്ടുകാർ അത് പരിശോധിച്ചപ്പോഴാണ് നഷ്ടമായ സ്വർണവും പണവും അതിനുള്ളിൽ കണ്ടെത്തിയത്. ഉടൻ പോലീസിനെ വിവരം അറിയിച്ചു.
മാർച്ച് 31-നാണ് മോഷണം നടന്നത്. വീട്ടുകാരുടെ വരവ്-പോക്ക് കൃത്യമായി അറിയുന്ന ആളാണ് മോഷണത്തിന് പിന്നിലെന്നായിരുന്നു പോലീസിന്റെ സംശയം. തിരികെ വെച്ച രീതിയും ഇത് സൂചിപ്പിക്കുന്നതാണെന്ന് കരുതുന്നു.
പെട്ടി വീട്ടുകാർ തുറന്നതിനാൽ വിരലടയാള പരിശോധനയിൽ വ്യക്തമായ സൂചനകൾ ലഭിച്ചില്ല. കണ്ടെത്തിയ സ്വർണവും പണവും പോലീസ് കസ്റ്റഡിയിലെടുത്ത് കോടതിയിൽ ഹാജരാക്കും. കേസ് നടപടികൾക്ക് ശേഷം ഉടമകൾക്ക് തിരികെ നൽകും.
തുർക്കിക്ക് യുഗാണ്ടൻ സൈനിക മേധാവിയുടെ വിചിത്ര ഭീഷണി; “ഒരു ബില്യൺ ഡോളറും സുന്ദരിയും വേണം”
Ugandaയിലെ സൈനിക മേധാവിയായ Muhoozi Kainerugaba തുർക്കിക്കെതിരെ വിചിത്രമായ ആവശ്യങ്ങളുമായി രംഗത്തെത്തി. ഒരു ബില്യൺ ഡോളറിനൊപ്പം തുർക്കിയിലെ ഏറ്റവും സുന്ദരിയായ യുവതിയെ വിവാഹം കഴിച്ചു നൽകണമെന്നും അദ്ദേഹം ആവശ്യപ്പെട്ടു.
Yoweri Museveniയുടെ മകനായ മുഹൂസി, സോഷ്യൽ മീഡിയ പ്ലാറ്റ്ഫോമായ X വഴി ഈ പ്രസ്താവന പങ്കുവെച്ചതാണ് ശ്രദ്ധ നേടുന്നത്.
തന്റെ ആവശ്യങ്ങൾക്ക് പിന്നിൽ അദ്ദേഹം ചൂണ്ടിക്കാട്ടുന്നത്, Somaliaയിൽ തുർക്കിക്ക് ലഭിക്കുന്ന സാമ്പത്തിക-തന്ത്രപരമായ നേട്ടങ്ങളാണ്. ആഫ്രിക്കൻ യൂണിയൻ മിഷനുകളിലൂടെ അൽ ഷബാബിനെതിരെ ദീർഘകാലമായി പോരാടുന്നത് Ugandaയാണെന്നും അതിന്റെ പ്രതിഫലമായി സാമ്പത്തിക പങ്ക് ലഭിക്കണമെന്ന് മുഹൂസി പറയുന്നു.
ഈ ആവശ്യങ്ങൾ അംഗീകരിക്കാത്ത പക്ഷം, ഒരു മാസത്തിനകം നയതന്ത്രപരമായ കടുത്ത നടപടികൾ സ്വീകരിക്കുമെന്ന് അദ്ദേഹം മുന്നറിയിപ്പ് നൽകി. Turkeyയുടെ എംബസി അടയ്ക്കുക, വിമാനങ്ങൾക്ക് വിലക്ക് ഏർപ്പെടുത്തുക, നയതന്ത്രബന്ധം വിച്ഛേദിക്കുക എന്നിവയാണ് ഭീഷണികൾ.
ഇത് ആദ്യമായല്ല മുഹൂസി ഇത്തരത്തിലുള്ള വിവാദ പ്രസ്താവനകൾ നടത്തുന്നത്. 2022-ൽ ഇറ്റാലിയൻ പ്രധാനമന്ത്രി Giorgia Meloniയെ വിവാഹം കഴിക്കാൻ താൽപര്യം പ്രകടിപ്പിച്ചതും, നിരസിച്ചാൽ റோம் പിടിച്ചെടുക്കുമെന്ന് പറഞ്ഞതും വിവാദമായിരുന്നു.
Ugandan military chief Muhoozi Kainerugaba made a bizarre diplomatic demand to Turkey, asking for one billion dollars and the “most beautiful woman” in Turkey as a bride. He justified this by citing Uganda’s long-standing role in African Union missions in Somalia against Al-Shabaab. He warned of severe diplomatic consequences if his demands are not met, including closing the Turkish embassy and cutting ties. This is not the first time he has made controversial statements.
ഡിജിറ്റൽ ടോൾ നിർദേശം പാളി; പാലിയേക്കരയിൽ പഴയ രീതിയിൽ തന്നെ പിരിവ് തുടരുന്നു
പാലിയേക്കര ടോൾ പ്ലാസയിൽ ഇപ്പോഴും ടോൾ പിരിവ് പഴയ രീതിയിൽ തന്നെ തുടരുന്നു. ദേശീയപാത അതോറിറ്റി ഓഫ് ഇന്ത്യയുടെ നിർദേശപ്രകാരം രാജ്യത്തെ എല്ലാ ടോൾ പ്ലാസകളിലും ഏപ്രിൽ 10 മുതൽ ഡിജിറ്റൽ പേയ്മെന്റ് സംവിധാനം നടപ്പാക്കേണ്ടതായിരുന്നു. എന്നാൽ ഈ നിർദേശം പാലിയേക്കരയിൽ ഇതുവരെ പ്രാവർത്തികമായിട്ടില്ല.
ബി.ഒ.ടി അടിസ്ഥാനത്തിൽ പ്രവർത്തിക്കുന്ന മറ്റ് ചില ടോൾ പ്ലാസകളിൽ യു.പി.ഐ ഉൾപ്പെടെയുള്ള ഡിജിറ്റൽ സംവിധാനങ്ങൾ നിലവിൽ വന്നിട്ടുണ്ടെങ്കിലും, ഇവിടെ ഇപ്പോഴും കാഷ് പിരിവാണ് നടക്കുന്നത്. വാഹനയാത്രക്കാരിൽ പലരും ഓൺലൈൻ പേയ്മെന്റ് ഉപയോഗിക്കുന്നില്ലെന്നതാണ് ഇതിന് കാരണം എന്ന് അധികൃതർ പറയുന്നു.
അതേസമയം, ഫാസ്ടാഗ് നിർബന്ധമാക്കിയ സാഹചര്യത്തിൽ, അത് ഇല്ലാത്തവർ യു.പി.ഐ വഴി പണമടയ്ക്കേണ്ടതും, അങ്ങനെ ചെയ്താൽ ടോൾ തുകയ്ക്ക് 25 ശതമാനം അധികം നൽകേണ്ടതുമാണ്. ഡിജിറ്റൽ സംവിധാനം പൂർണ്ണമായി നടപ്പായാൽ ഗതാഗതക്കുരുക്ക് കുറയുകയും തർക്കങ്ങൾ ഒഴിവാക്കാനാകുമെന്നും അധികൃതർ വിലയിരുത്തുന്നു.
സർക്കാർ ഉദ്യോഗസ്ഥരുടെ ഐഡി കാർഡ് കാട്ടി ലഭിച്ചിരുന്ന ടോൾ ഇളവുകൾക്കും ഇനി നിയന്ത്രണം വരും. പ്രത്യേക ഫാസ്ടാഗ് ഉള്ള ഔദ്യോഗിക വാഹനങ്ങൾക്കു മാത്രമേ ഇളവ് ലഭിക്കൂ എന്നതാണ് പുതിയ നിർദേശം.
At Paliyekkara Toll Plaza, toll collection continues in the traditional cash mode despite directions from the National Highways Authority of India to switch fully to digital payments from April 10. Authorities cite low adoption of online payment methods among travelers as the reason. Under new rules, FASTag is mandatory, and those paying via UPI without FASTag must pay 25% extra. Digital implementation is expected to reduce traffic congestion and disputes.
നവകേരള സർവേയ്ക്ക് 13.04 കോടി ചെലവ്; കണക്കുകൾ സുപ്രീം കോടതിയിൽ സമർപ്പിച്ച്
തിരുവനന്തപുരം: നവകേരള സർവേയ്ക്ക് ഇതുവരെ 13.04 കോടി രൂപ ചെലവായതായി Government of Kerala Supreme Court of Indiaയിൽ അറിയിച്ചു. സർവേയ്ക്കായി അനുവദിച്ചിരുന്ന 20 കോടി രൂപയിൽ നിന്നാണ് ഈ ചെലവ് നടന്നത്.
ബ്രോഷർ തയ്യാറാക്കാൻ 5.54 കോടി രൂപയും, കത്തുകൾ വിതരണം ചെയ്യാൻ 1 കോടി രൂപയും, വോളണ്ടിയർമാരുടെ യാത്രയ്ക്കായി 1.45 കോടി രൂപയും ചിലവഴിച്ചതായി സർക്കാർ വിശദീകരിച്ചു.
ഏകദേശം 95 ലക്ഷം വീടുകളിൽ നേരിട്ടെത്തി വിവരശേഖരണം നടത്തുകയായിരുന്നു സർവേയുടെ ലക്ഷ്യം. കുടുംബശ്രീ അംഗങ്ങളും സാമൂഹ്യ സന്നദ്ധ പ്രവർത്തകരുമാണ് ഇതിന് നേതൃത്വം നൽകിയത്.
സർവേയ്ക്ക് ബജറ്റ് അനുമതി ഇല്ലെന്നും രാഷ്ട്രീയ ലക്ഷ്യത്തോടെയാണെന്നും ആരോപിച്ച് Kerala High Court മുമ്പ് ഇത് റദ്ദാക്കിയിരുന്നു. എന്നാൽ സംസ്ഥാന സർക്കാർ നൽകിയ അപ്പീലിൽ, Supreme Court of India ഹൈക്കോടതി ഉത്തരവ് സ്റ്റേ ചെയ്ത് സർവേ തുടരാൻ അനുമതി നൽകി.
ജനങ്ങളുടെ അഭിപ്രായം ശേഖരിക്കുന്നത് തെറ്റല്ലെന്നും ക്ഷേമപദ്ധതികൾ മെച്ചപ്പെടുത്താൻ ഇത്തരം സർവേകൾ സംസ്ഥാനങ്ങൾക്ക് സഹായകരമാണെന്നും സുപ്രീം കോടതി നിരീക്ഷിച്ചു.
The Government of Kerala informed the Supreme Court of India that ₹13.04 crore has been spent so far on the Nava Kerala Survey out of the ₹20 crore allocated. The survey aimed to collect feedback from around 95 lakh households.
Earlier, the Kerala High Court had cancelled the survey citing lack of budget approval, but the Supreme Court stayed that order and allowed it to continue, observing that such surveys can help improve welfare schemes.
സൈക്കിളിൽ ജനങ്ങളിലേക്ക് ഇറങ്ങി Vijay; Kanyakumari റോഡ് ഷോ ആവേശം
തമിഴ്നാട്ടിലെ നിയമസഭാ തെരഞ്ഞെടുപ്പ് മുന്നോടിയായി രാഷ്ട്രീയ ചൂട് ഉയരുന്നതിനിടെ ടിവികെ അധ്യക്ഷൻ Vijay കന്യാകുമാരിയിൽ നടത്തിയ വ്യത്യസ്തമായ റോഡ് ഷോ ശ്രദ്ധേയമായി. സാധാരണ പോലെ തുറന്ന വാഹനത്തിൽ പ്രചാരണം നടത്താതെ, സൈക്കിളിൽ ജനക്കൂട്ടത്തിനിടയിലേക്ക് ഇറങ്ങിയാണ് അദ്ദേഹം പ്രവർത്തകരെയും ആരാധകരെയും അഭിവാദ്യം ചെയ്തത്.
ജനങ്ങൾക്ക് സർക്കാർ സേവനങ്ങൾ എളുപ്പത്തിൽ ലഭ്യമാക്കുക എന്നതാണ് ടിവികെയുടെ പ്രധാന വാഗ്ദാനമെന്ന് വിജയ് പറഞ്ഞു. സർക്കാർ ആനുകൂല്യങ്ങൾ നേരിട്ട് വീടുകളിലെത്തിക്കുന്ന സംവിധാനം നടപ്പാക്കുമെന്നും, ആധാർ മാതൃകയിൽ പ്രത്യേക തിരിച്ചറിയൽ കാർഡ് നൽകുമെന്നും അദ്ദേഹം ഉറപ്പുനൽകി.
പ്രചാരണത്തിനിടെ ഭരണകക്ഷിയായ Dravida Munnetra Kazhagamക്കെതിരെ വിജയ് ശക്തമായ വിമർശനവും ഉന്നയിച്ചു. സർക്കാർ ഓഫീസുകൾ സാധാരണ ജനങ്ങൾക്ക് സേവനം ലഭിക്കേണ്ട കേന്ദ്രങ്ങളല്ലാതെ പീഡന കേന്ദ്രങ്ങളായി മാറിയെന്ന് അദ്ദേഹം ആരോപിച്ചു. ചെറിയ കാര്യങ്ങൾക്കുപോലും ജനങ്ങൾ ഉദ്യോഗസ്ഥരുടെയും രാഷ്ട്രീയ നേതാക്കളുടെയും മുന്നിൽ ആശ്രയിക്കേണ്ട അവസ്ഥയാണെന്നും അദ്ദേഹം പറഞ്ഞു.
മധ്യാഹ്നം മുതൽ രാത്രി വരെ ആറു നിയമസഭ മണ്ഡലങ്ങളിൽ പര്യടനം നടത്താൻ അനുമതി ലഭിച്ചിരുന്ന വിജയിന്റെ റോഡ് ഷോയ്ക്ക് വൻ ജനക്കൂട്ടമാണ് അനുഭവപ്പെട്ടത്. തെരഞ്ഞെടുപ്പ് അടുക്കുമ്പോൾ തമിഴ്നാട്ടിലെ രാഷ്ട്രീയ രംഗത്ത് പുതിയ സമവാക്യങ്ങൾ സൃഷ്ടിക്കാൻ വിജയ് ശ്രമിക്കുന്നതായി രാഷ്ട്രീയ നിരീക്ഷകർ വിലയിരുത്തുന്നു.
Actor-turned-politician Vijay held a unique cycle roadshow in Kanyakumari ahead of the Tamil Nadu Assembly elections. Promising doorstep delivery of government services and a new ID system, he also strongly criticized the ruling DMK. The event drew large crowds and signals a shift in the state’s political dynamics.