കൊച്ചി: കോൺഗ്രസിലെ മുഖ്യമന്ത്രി ചർച്ചകളിൽ ദീപ ദാസ് മുൻഷിക്ക് എതിരെ സതീശൻ പക്ഷം.നിരീക്ഷകർ എംഎൽഎമാരുടെ അഭിപ്രായം കേൾക്കുമ്പോൾ ദീപ ദാസ് മുൻഷി ഉണ്ടാകാൻ പാടില്ലെന്നാണ് സതീശൻ പക്ഷത്തിന്റെ ആവശ്യം.ദീപ ദാസ് മുൻഷിയെ വിശ്വാസമില്ലെന്ന് അവർ പറഞ്ഞു. മുഖ്യമന്ത്രിയെ നിർണയിക്കുന്ന ചർച്ചകളിൽ രഹസ്യസ്വഭാവം സൂക്ഷിക്കണമെന്നും സതീശൻ പക്ഷം ഉന്നയിച്ചു.
എംഎൽഎമാരും എഐസിസി നിരീക്ഷകരുമായുള്ള കൂടിക്കാഴ്ച്ചയ്ക്ക് രഹസ്യ സ്വഭാവം വന്നാൽ ഭൂരിപക്ഷം എംഎൽഎമാരും പിന്തുണയ്ക്കുമെന്നാണ് സതീശൻ പക്ഷം വ്യക്തമാക്കുന്നത്.
അതേസമയം, നിരീക്ഷകരെ ഒപ്പം നിർത്താനും ഹൈക്കമാൻഡ് പിന്തുണ ഉറപ്പാക്കാനും കെ.സി. നീക്കം നടത്തുമെന്നും സൂചനയുണ്ട്. 46 എംഎൽഎമാരുടെ പിന്തുണ തനിക്കുണ്ടെന്നാണ് കെ.സി. വേണുഗോപാലിന്റെ അവകാശവാദം. ഒപ്പം നിൽക്കാൻ എംഎൽഎമാർക്ക് നിർദേശം നൽകിയതായാണ് പുറത്തുവരുന്ന റിപ്പോർട്ട്.