പാലക്കാട്: രാഹുല് മാങ്കൂട്ടത്തില് എംഎല്എ വീണ്ടും പാലക്കാട് മണ്ഡലത്തില് സജീവമാകാന് നീക്കം. പാലക്കാട്ടെയും മാത്തൂരിലെയും പ്രാദേശിക കോണ്ഗ്രസ് നേതാക്കളെ രാഹുല് നേരില് കണ്ടു.
15 ദിവസത്തെ ഒളിവ് ജീവിതത്തിന് ശേഷം ഇന്നലെയാണ് രാഹുല് മാങ്കൂട്ടത്തില് മണ്ഡലത്തിലെത്തിയത്. മുന്കൂര് ജാമ്യം ലഭിച്ചതിന് പിന്നാലെയായിരുന്നു രാഹുല് പാലക്കാട് വോട്ട് ചെയ്യാനെത്തിയത്.
വോട്ട് ചെയ്ത് ഇറങ്ങിയതിന് പിന്നാലെ മാധ്യമങ്ങളോട് പ്രതികരിച്ച രാഹുല് എല്ലാം കോടതിക്ക് മുന്നിലുണ്ടെന്നും കോടതി തീരുമാനിക്കുമെന്നും പറഞ്ഞു.
അതേസമയം ഇന്നലെ തന്നെ രാഹുല് എംഎല്എ ഓഫീസില് എത്തിയിരുന്നു. രാഹുല് ഇന്ന് അടൂരിലേക്ക് തിരിക്കുമെന്നും സൂചനയുണ്ട്. രാഹുലിന്റെ നീക്കങ്ങള് പ്രത്യേക അന്വേഷണ സംഘവും നിരീക്ഷിച്ചുവരികയാണ്.
