മലപ്പുറം: കഴിഞ്ഞ നിയമസഭാ തെരഞ്ഞെടുപ്പിൽ നിലമ്പൂരിൽ കോൺഗ്രസ് സ്ഥാനാർത്ഥിയായിരുന്ന അഡ്വ. വി.വി. പ്രകാശ് ഇടത് സ്ഥാനാർത്ഥിയായിരുന്ന പിവി അൻവറിനോട് തോൽക്കാൻ കാരണം ആര്യാടൻ ഷൗക്കത്ത് പാലം വലിച്ചതുകൊണ്ടാണെന്ന ആരോപണം ശക്തമായിരുന്നു
ആര്യാടൻ ഷൗക്കത്ത് വി.വി. പ്രകാശിൻ്റെ കുടുംബത്തെ കാണാത്തത്തും മണ്ഡലത്തിൽ ചർച്ചയായിരുന്നു.
ഷൗക്കത്തിനെ സ്ഥാനാർത്ഥിയായി പ്രഖ്യാപിച്ചതിന് പിന്നാലെ അച്ഛൻ്റെ ഓർമ്മകൾ ഓരോ വോട്ടർമാരുടെയും മനസിൽ എരിയുന്നുവെന്ന് പ്രകാശിൻ്റെ മകൾ നന്ദന ഫേസ്ബുക്ക് പോസ്റ്റിട്ടിരുന്നു.
അന്നും ഇന്നും എന്നും കോൺഗ്രസ് പാർട്ടിക്കൊപ്പമാണെന്ന് പാർട്ടിക്കൊപ്പമെന്ന് വിവി പ്രകാശിൻ്റെ കുടുംബം വ്യക്തമാക്കിയിരുന്നു, എന്തായാലും നിലമ്പൂരിലെ ഫലത്തിന് പിന്നാലെ അച്ഛാ നമ്മൾ ജയിച്ചൂട്ടോ എന്ന ഫേസ്ബുക്ക് കുറിപ്പുമായി വിവി പ്രകാശിൻ്റെ മകൾ നന്ദന രംഗത്തെത്തി.