നടി കാവ്യ സുരേഷ് വിവാഹിതയായി. കെപി അദീപാണ് വരൻ. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. വിവാഹത്തിന്റെ ദൃശ്യങ്ങൾ ഇരുവരും സമൂഹ മാധ്യമങ്ങളിൽ പങ്കുവെച്ചിട്ടുണ്ട്.
2013ലാണ് കാവ്യ വെള്ളിത്തിരയിൽ അരങ്ങേറ്റം കുറിക്കുന്നത്. ‘ലസാഗു ഉസാഘ’ എന്ന സിനിമയാണ് താരത്തിന്റെ അരങ്ങേറ്റ ചിത്രം. ഒരേ മുഖം, കാമുകി എന്നിവയുൾപ്പെടെ അഞ്ചിലധികം മലയാള സിനിമകളിലും ‘തിരുമണം’ എന്ന തമിഴ് ചിത്രത്തിലും ‘സൂര്യ അസ്തമയം’ എന്ന തെലുങ്ക് ചിത്രത്തിലും അഭിനയിച്ചിട്ടുണ്ട്. അഭിനയത്തിന് പുറമെ മോഡലിങ് രംഗത്തും നൃത്തത്തിലും കാവ്യ സജീവമാണ്.
ആലപ്പുഴ സ്വദേശിയായ കാവ്യ വിഷ്വൽ കമ്മ്യൂണിക്കേഷനിൽ ബിരുദം നേടിയിരുന്നു. ശേഷമാണ് സിനിമയിലേക്ക് പ്രവേശിക്കുന്നത്. അഭിനയത്തിന് പുറമെ മോഡലിംഗ് രംഗത്തും സജീവമാണ് കാവ്യ സുരേഷ്. ക്ലാസിക്കൽ ഡാൻസ് പഠിച്ചിട്ടുള്ള കാവ്യ നൃത്തപരിപാടികളും അവതരിപ്പിക്കാറുണ്ട്.