തിരുവനന്തപുരം: സെക്രട്ടേറിയേറ്റിന് മുന്നിൽ രാപകൽ സമരം നടത്തുന്ന ആശാ പ്രവർത്തകർ മഴ നനയാതിരിക്കാൻ കെട്ടിയ ടാർപോളിൻ പൊലീസ് ഇടപെട്ട് അഴിപ്പിച്ചു.
ടാർപോളിൻ കെട്ടി അതിൻറെ താഴെ പായ വിരിച്ച് ഉറങ്ങുകയായിരുന്ന ആശാ പ്രവർത്തകരെ വിളിച്ചുണർത്തിയാണ് പൊലീസിൻറെ നടപടി.
ഇന്ന് പുലർച്ചെ മൂന്നു മണിയോടെ മഴ പെയ്തപ്പോഴാണ് പൊലീസിൻറെ നടപടി.
അതേസമയം, വേതനവർധന ആവശ്യപ്പെട്ടുള്ള ആശാ വർക്കർമാരുടെ അനിശ്ചിതകാല രാപ്പകൽ സമരം ഇന്ന് 21ാം ദിവസത്തിലേക്ക് കടന്നു.
ആവശ്യങ്ങൾ അംഗീകരിക്കാൻ സർക്കാർ തയ്യാറാകാത്ത പശ്ചാത്തലത്തിൽ നാളെ നിയമസഭയിലേക്ക് മാർച്ച് നടത്തും. സമരത്തിൽ പങ്കെടുക്കുന്ന ആശാ വർക്കർമാർക്ക് പകരം ആളെക്കണ്ടത്താനുള്ള സർക്കാർ നീക്കത്തിലും സമരക്കാർ കടുത്ത പ്രതിഷേധത്തിലാണ്.