കൊച്ചി: നടി അൻസിബ ഹസന്റെ പരാതിയിൽ കടവന്ത്ര പൊലീസ് നടൻ ടിനി ടോമിന്റെ മൊഴിയെടുത്തു.
അൻസിബയുടെ പരാതി അടിസ്ഥാനരഹിതമെന്നാണ് ടിനി ടോമിന്റെ മൊഴി. കേസുമായി ബന്ധപ്പെട്ട അന്വേഷണ റിപ്പോർട്ട് പൊലീസ് ഉടൻ സമർപ്പിക്കും.
അൻസിബ മതം മാറ്റാൻ ശ്രമിച്ചുവെന്ന് താൻ പറഞ്ഞിട്ടില്ലെന്നും ടിനി ടോം മൊഴി നൽകി. ഒരു സ്റ്റേജ് ഷോയ്ക്കിടയിൽ നീനാ കുറുപ്പുമായി തർക്കമുണ്ടായി.
ഇതിന് പിന്നാലെയാണ് അൻസിബ പരാതി ഉന്നയിച്ചത്. വ്യക്തി വൈരാഗ്യത്തെ തുടർന്നുള്ള പരാതിയാണെന്നും നടൻ പറഞ്ഞു.
കേസിൽ കടവന്ത്ര പൊലീസ് അമ്മ പ്രസിഡന്റ് ശ്വേതാ മേനോന്റെ മൊഴിയും എടുത്തിരുന്നു. ടിനി ടോം വർഗീയ അധിക്ഷേപം നടത്തിയതിനെക്കുറിച്ച് അറിയില്ലെന്നാണ് ശ്വേത നൽകിയ മൊഴി. അൻസിബ മതം മാറ്റാൻ ശ്രമിച്ചുവെന്ന് ടിനി പറഞ്ഞത് ശ്രദ്ധയിൽപ്പെട്ടിട്ടില്ലെന്നും ശ്വേത പറഞ്ഞു.