കൊച്ചി: മലയിടംതുരുത്തിലെ കുടിയൊഴിപ്പിക്കലുമായി ബന്ധപ്പെട്ട് പെരുമ്പാവൂര് മുന്സിഫ് കോടതിയിലെ നടപടികള്ക്ക് സ്റ്റേ.
ഒരു വര്ഷത്തിനുള്ളില് പുനരധിവാസം പൂര്ത്തിയാക്കും എന്ന കരാറിന്റെ അടിസ്ഥാനത്തിലാണ് സ്റ്റേ നല്കിയത്. എല്ലാ നടപടികളും ഒരു വര്ഷത്തേക്ക് നിര്ത്തിവെക്കാനാണ് ഹൈക്കോടതി നിര്ദേശം നല്കിയിരിക്കുന്നത്.
മലയിടംതുരുത്തിലെ കുടുംബങ്ങള്ക്ക് തര്ക്കഭൂമിക്കടുത്ത് വീട് വെച്ച് നല്കുമെന്ന് നേരത്തെ സര്ക്കാര് അറിയിച്ചിരുന്നു.
പുതിയ വീട് വെക്കുന്നത് വരെ നിലവില് താമസിക്കുന്നിടത്ത് താമസിക്കാമെന്നും, സമരക്കാര്ക്കെതിരെ എടുത്ത എല്ലാ കേസുകളും പിന്വലിക്കുമെന്നും നേരത്തെ ധാരണയായിരുന്നു.
ശങ്കരന്നായരുടെ സ്ഥലത്ത് തന്നെയാണ് അഞ്ച് സെന്റ് വീതം വീട് വെക്കാനായി നല്കുക.