700 രൂപയുടെ വന്ദേഭാരത് ടിക്കറ്റ് 380 രൂപയ്ക്ക് വാഗ്ദാനം; വീഡിയോ വൈറലായതോടെ ടിടിഇ സസ്പെൻഡ്

ഹാജിപുർ: വന്ദേഭാരത് എക്സ്പ്രസിൽ കുറഞ്ഞ നിരക്കിൽ ടിക്കറ്റ് ലഭ്യമാക്കാമെന്ന് യാത്രക്കാരനോട് വാഗ്ദാനം ചെയ്ത ടിടിഇക്കെതിരെ റെയിൽവേ നടപടി. ടിക്കറ്റ് നിരക്കിനെക്കുറിച്ച് യാത്രക്കാരനുമായി സംസാരിക്കുന്ന വീഡിയോ സമൂഹമാധ്യമങ്ങളിൽ വൈറലായതിന് പിന്നാലെയാണ് ഉദ്യോഗസ്ഥനെ സസ്പെൻഡ് ചെയ്തത്.വൈറലായ ദൃശ്യങ്ങളിൽ 700 രൂപ വിലവരുന്ന ടിക്കറ്റ് 380 രൂപയ്ക്ക് ഒരുക്കിക്കൊടുക്കാമെന്നാണ് ടിടിഇ പറയുന്നത്. നേരിട്ട് ബുക്ക് ചെയ്താൽ കൂടുതൽ തുക നൽകേണ്ടിവരുമെന്നും കുറഞ്ഞ നിരക്കിൽ യാത്ര സാധ്യമാക്കാമെന്നുമാണ് സംഭാഷണത്തിൽ വ്യക്തമാകുന്നത്.സംഭവം ബിഹാറിലെ ഹാജിപുരിൽ നടന്നതാണെന്നാണ് സൂചന. എന്നാൽ വീഡിയോ ഏത് റൂട്ടിലേതാണെന്നോ സംഭവം നടന്ന സമയം ഏതാണെന്നോ സംബന്ധിച്ച് ഔദ്യോഗിക സ്ഥിരീകരണം ലഭിച്ചിട്ടില്ല. വീഡിയോ വ്യാപകമായി പ്രചരിച്ചതോടെ നിരവധി പേരാണ് സമൂഹമാധ്യമങ്ങളിൽ പ്രതികരണങ്ങളുമായി രംഗത്തെത്തിയത്.വിവാദം ശക്തമായതോടെ റെയിൽവേ അടിയന്തരമായി ഇടപെട്ടു. റെയിൽവേ സേവയും ഡിആർഎം ദനാപൂരും സോഷ്യൽ മീഡിയ കമന്റിലൂടെ ടിടിഇയെ സസ്പെൻഡ് ചെയ്തതായി അറിയിച്ചു.

English Summary

A TTE of the Vande Bharat Express has been suspended after a viral video showed him allegedly offering a ticket worth Rs 700 for Rs 380. The video, reportedly from Hajipur in Bihar, sparked controversy on social media, prompting immediate action from railway authorities.