ജർമ്മനിയിൽ ജോലി ചെയ്യുന്ന ഇന്ത്യൻ നഴ്സായ റിയയുടെ ഹൃദയസ്പർശിയായ കഥ സോഷ്യൽ മീഡിയയിൽ ശ്രദ്ധ നേടുന്നു. ജീവിതത്തിലെ ആദ്യ ശമ്പളം സ്വന്തമായി ചെലവഴിക്കാതെ സഹോദരിക്കായി സമ്മാനം വാങ്ങാൻ ഉപയോഗിച്ചതാണ് ഈ യുവതിയെ വൈറലാക്കിയത്.
ഏകദേശം 1700 യൂറോ (ഏകദേശം 1.85 ലക്ഷം രൂപ) ലഭിച്ച ആദ്യ ശമ്പളത്തിൽ നിന്ന് റിയ സ്വന്തമായി ഒന്നും വാങ്ങാതെ സഹോദരിക്കായി iPhone 16 വാങ്ങി നൽകി. വർഷങ്ങൾക്കുമുമ്പ് തന്നെ “ആദ്യ ശമ്പളം നിനക്കാണ്” എന്ന് സഹോദരിക്ക് നൽകിയ വാഗ്ദാനം പാലിച്ചതാണെന്ന് റിയ വ്യക്തമാക്കി.
സമ്മാനം തുറന്നപ്പോൾ സഹോദരി വികാരാധീനയായി പ്രതികരിക്കുന്ന വീഡിയോ റിയ സോഷ്യൽ മീഡിയയിൽ പങ്കുവെച്ചതോടെയാണ് സംഭവം വൈറലായത്. വിദേശത്ത് ജോലി ചെയ്യാനുള്ള തന്റെ പരിശ്രമങ്ങളുടെ ഫലമാണ് ഈ നിമിഷമെന്ന് റിയ പറയുന്നു.
പിന്നീട് കൂടുതൽ പണം സമ്പാദിച്ച് അച്ഛന് ഒരു കാർ വാങ്ങിക്കൊടുത്തതായും റിയ വ്യക്തമാക്കി. “ഇതിനുവേണ്ടിയാണ് ഞാൻ ഇവിടെ എത്തിയതെന്ന്” അവൾ വീഡിയോയിൽ പറയുന്നു.
വീഡിയോയ്ക്ക് താഴെ നിരവധി പേർ അഭിനന്ദനങ്ങൾ രേഖപ്പെടുത്തി. കുടുംബത്തെ മുൻഗണന നൽകുന്ന മനോഭാവം ഏറെ പ്രശംസിക്കപ്പെടുകയാണ്.
English summary
An Indian nurse named Riya working in Germany has gone viral after spending her first salary of about ₹1.85 lakh (1700 euros) entirely on a gift for her sister. She bought an iPhone 16, fulfilling a promise she had made years ago.
The emotional video of her sister reacting to the gift gained wide attention online. Riya also shared that she later bought a car for her father, highlighting her dedication to family.