തിരുവനന്തപുരം: പ്രതിപക്ഷ നേതാവ് വിഡി സതീശനുമായുള്ള പരസ്യ സംവാദത്തിൽ നിന്ന് പിന്മാറി മുഖ്യമന്ത്രി പിണറായി വിജയൻ.
ഫേസ്ബുക്ക് വഴിയുള്ള സംവാദത്തിനാണ് ക്ഷണിച്ചതെന്നും നേരിട്ടുള്ള സംവാദത്തിനല്ലെന്നും മുഖ്യമന്ത്രി വാര്ത്താസമ്മേളനത്തിൽ പ്രതികരിച്ചു.
അതേസമയം, മുഖ്യമന്ത്രിയുടെ വാര്ത്താസമ്മേളനത്തിന് തൊട്ടുപിന്നാലെ വീണ്ടും വെല്ലുവിളിയുമായി വിഡി സതീശനുമെത്തി.
സംവാദത്തിന്റെ സമയവും സ്ഥലവും ഇതുവരെ തീരുമാനിച്ചില്ലെന്നും മുഖ്യമന്ത്രി ശ്രദ്ധിക്കുമല്ലോയെന്നും വിഡി സതീശൻ ഫേസ്ബുക്കിൽ കുറിച്ചു. സംവാദമാകാമെന്ന് പറഞ്ഞിട്ട് 24 മണിക്കൂര് കഴിഞ്ഞുവെന്നും മുഖ്യമന്ത്രിയെ സതീശൻ ഓർമിപ്പിച്ചു.