കൊല്ലം: കൊല്ലം കേരളപുരത്തിൽ വീട്ടിൽ കയറി മോഷണം നടത്തിയ സംഭവത്തിൽ പോലീസ് അന്വേഷണം ആരംഭിച്ചു. വീടിന്റെ മുൻവാതിൽ തുറന്ന് അകത്തുകയറിയ മോഷ്ടാവ് 12 പവൻ സ്വർണാഭരണങ്ങളുമായി കടന്നുകളഞ്ഞു.
കേരളപുരം സ്വദേശി വിജിത്തിന്റെ വീട്ടിലാണ് കഴിഞ്ഞ മാർച്ച് 12-ന് ഉച്ചയ്ക്ക് ഏകദേശം 11.45ഓടെ സംഭവം നടന്നത്. അന്നേരം വീട്ടിൽ വിജിത്തിന്റെ പ്രായമായ മാതാവ് മാത്രമാണ് ഉണ്ടായിരുന്നത്.
വീട്ടിലെത്തിയ പ്രതി ആദ്യം കോളിങ് ബെൽ അടിച്ച് അകത്ത് മറ്റാരുമില്ലെന്ന് ഉറപ്പുവരുത്തിയ ശേഷമാണ് വീട്ടിനുള്ളിലേക്ക് കടന്നത്. തുടർന്ന് വീട്ടിൽ സൂക്ഷിച്ചിരുന്ന സ്വർണാഭരണങ്ങൾ കവർന്ന് ഇയാൾ രക്ഷപ്പെടുകയായിരുന്നു.
വീട്ടിലെയും സമീപത്തെ റോഡുകളിലെയും സിസിടിവി ദൃശ്യങ്ങൾ പരിശോധിച്ചപ്പോൾ പ്രതിയെക്കുറിച്ച് പോലീസിന് ചില സൂചനകൾ ലഭിച്ചിട്ടുണ്ട്. കൊട്ടാരക്കരയിൽ നിന്ന് കെഎസ്ആർടിസി ബസിൽ കയറി കേരളപുരം ജംഗ്ഷനിൽ ഇറങ്ങിയ യുവാവ് വീട്ടിലേക്ക് വരുന്നതും തുടർന്ന് വീട്ടിൽ കയറുന്നതും ദൃശ്യങ്ങളിൽ വ്യക്തമാണ്.
മോഷണം നടത്തിയ ശേഷം ഇയാൾ ബസ് സ്റ്റോപ്പിലേക്ക് തിരിച്ച് എത്തി കുണ്ടറ ഭാഗത്തേക്കുള്ള സ്വകാര്യ ബസിൽ കയറിപ്പോകുന്നതും ക്യാമറകളിൽ പതിഞ്ഞിട്ടുണ്ട്. സംഭവത്തിൽ കുണ്ടറ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
A burglary was reported in Keralapuram, Kollam, where a thief stole 12 sovereigns of gold from a house. The incident occurred on March 12 when only an elderly woman was present in the house. The suspect reportedly rang the doorbell to confirm no one else was inside before entering the house. CCTV footage shows the man arriving by KSRTC bus from Kottarakkara and later leaving the area on a private bus toward Kundara. Police have registered a case and started an investigation.