കൊല്ലം: ഗണേഷ്കുമാറിനെ യൂണിയനില് കയറ്റരുതെന്നും നശിപ്പിക്കുമെന്നും ജീവിച്ചിരിക്കുമ്പോള് തന്നെ ആര് ബാലകൃഷ്ണപിള്ള പറഞ്ഞിരുന്നുവെന്ന് എന്എസ്എസ് താല്ക്കാലിക സമിതി ചെയര്മാന് കരിക്കകത്തില് കെ തങ്കപ്പന്പിള്ള പറഞ്ഞു. ബാലകൃഷ്ണപിള്ളയുടെ പ്രവചനം കൃത്യമായിരുന്നെന്ന് ഇപ്പോള് യൂണിയന് സമിതി അംഗങ്ങള്ക്ക് മനസ്സിലായെന്നും അദ്ദേഹം കൂട്ടിച്ചേര്ത്തു.
കേരളത്തില് ഒറ്റഘട്ടം; വോട്ടെടുപ്പ് ഏപ്രില് 9 ന്
പുനലൂരിലെ യൂണിയന് ആസ്ഥാനത്ത് വിളിച്ചുചേര്ത്ത വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. യൂണിയന് പ്രസിഡന്റായിരുന്ന ഗണേഷ്കുമാര് കഴിഞ്ഞ മാസം 28 ന് നടന്ന യൂണിയന് കമ്മിറ്റി യോഗത്തില് വളരെ മോശമായി പെരുമാറിയതാണ് ഭരണസമിതി പിരിച്ചുവിടുന്നതിലേയ്ക്ക് എത്തിച്ചത്.