സെലിബ്രിറ്റി ക്രിക്കറ്റേഴ്സ് ഫ്രാറ്റേർനിറ്റി
[C C F] യുടെ കീഴിൽ കാക്കനാട് രാജഗിരി കോളേജ് ഗ്രൗണ്ടിൽ വച്ച് കേരള ഫിലിം പ്രൊഡ്യൂസേഴ്സ് ടീമായ ക്ലബ്ബ് ടീം പ്രൊഡ്യൂസേഴ്സ് സംഘടിപ്പിച്ച ഏഴാമത് സെലിബ്രിറ്റി ക്രിക്കറ്റ് ടൂർണമെൻ്റ് കേരള ഫിലിം പ്രൊഡ്യൂസേഴ്സ് പ്രീമിയർ ലീഗ് [KFPPL] CCF ന് കീഴിലുള്ള 16 ടീമുകൾ മാറ്റുരച്ച ടൂർണമെന്റിൽ ഒരു മാച്ചു പോലും പരാജയപ്പെടാതെയാണ് ക്ലബ് ടീം പ്രൊഡ്യൂസേഴ്സ് ജേതാക്കളായത്. മലയാള സിനിമാ താരവും, അമ്മ കേരള സ്ട്രൈക്കേഴ്സ് ക്യാപ്റ്റനുമായ ഉണ്ണി മുകുന്ദൻ, ബിഗ് ബോസ് താരം അഖിൽ മാരാർ, നടൻ അർജ്ജുൻ നന്ദകുമാർ , CCL താരം അരുൺ ബെന്നി എന്നിവർ ക്ലബ്ബ് ടീം പ്രൊഡ്യൂസേഴ്സിന്റെ ഭാഗമായിരുന്നു. സിനിമാ താരങ്ങളായ സിജു വിൽസൻ, സാജു നവോദയ, മണികണ്ഠൻ ആചാരി, സിദ്ധാർത്ഥ് മേനോൻ, ഗായകരായ നിഖിൽ മേനോൻ, രമേഷ് ബാബു, സംവിധായകരായ ശ്യാം ധർ, ആദിത്യൻ, എന്നിവർക്ക് പുറമേ മലയാള സിനിമയിലെ എല്ലാ മേഖലയിലേയും താരങ്ങളും, പ്രവർത്തകരും ടൂർണമെൻ്റിൽ പങ്കെടുത്തു.
നവമ്പർ 10 മുതൻ 15 വരെയായിരുന്നു ടൂർണമെൻ്റ് സംഘടിപ്പിക്കപ്പെട്ടത്.
സമാപന സമ്മേളനത്തിൽ മുഖ്യ അതിഥികളായി സിനിമാ താരങ്ങളായ മഡോണ സെബാസ്റ്റ്യൻ , അനുമോൾ
എന്നിവർ പങ്കെടുത്തു.
CCF പ്രസിഡൻ്റ് , അനിൽ തോമസ്, സെക്രട്ടറി ശ്യാം ധർ, ട്രഷറർ സുധീപ് കാരാട്ട് തുടങ്ങിയവർ സമ്മേളനത്തിൽ സംസാരിച്ചു.