കൊല്ലം: വലയില്ക്കുടുങ്ങിയ വളര്ച്ചയെത്താത്ത മത്തിക്കുഞ്ഞുങ്ങളെ തിരികെ കടലിലേക്ക് സ്വതന്ത്രരാക്കി മാതൃകയായി മത്സ്യത്തൊഴിലാളികള്. കരുനാഗപ്പള്ളി വെള്ളനാതുരുത്ത് സ്വദേശി സനലിന്റെ ‘കാര്മല്’ എന്ന താങ്ങുവള്ളത്തിലെ തൊഴിലാളികളാണ് നന്മയുടെ മാതൃക കാട്ടിയത്.
താങ്ങുവള്ളത്തിലെ കോരുവലയിലാണ് കാത്തിരിപ്പിനൊടുവില് ചാകര പോലെ മത്സ്യങ്ങള് കയറിയത്. പിടിക്കുമ്പോള് ഇവയുടെ വലിപ്പമൊന്നും അറിയാനാകില്ല. കോരി നോക്കിയപ്പോള് മത്തിക്കുഞ്ഞുങ്ങള് ആണെന്ന് കണ്ട മത്സ്യത്തൊഴിലാളികള് വല തുറന്ന് അവയെ സ്വതന്ത്രരാക്കുകയായിരുന്നു