അമേരിക്കന് ടെക് ഭീമന്മാരായ ഐബിഎം (IBM) 8000 ജോലിക്കാരെ പിരിച്ചുവിട്ടതായി റിപ്പോര്ട്ട്. എച്ച്ആര് വിഭാഗത്തിന്റെ ചുമതലകള് എഐ ഏറ്റെടുത്തതോടെ ആണ് നടപടി എന്നാണ് ലഭിക്കുന്ന വിവരം. ഓഫീസ് പ്രവര്ത്തനങ്ങള് കൂടുതലായി ആര്ട്ടിഫിഷ്യല് ഇന്റലിജന്സുമായി സംയോജിപ്പിക്കുന്നതിന്റെ ഭാഗമായി മാനവവിഭവശേഷി വിഭാഗത്തിലുള്ളവര്ക്കാണ് (HR Department) കൂടുതലായും തൊഴില് നഷ്ടമായതെന്നാണ് പുറത്തു വരുന്ന റിപ്പോർട്ട്.
ജീവനക്കാരുടെ അഭ്യര്ഥനകള്ക്ക് മറുപടി നല്കുക, പേപ്പര്വര്ക്കുകള് ചെയ്യുക, എച്ച്ആര് ഡാറ്റകള് ക്രോഡീകരിക്കുക തുടങ്ങിയ ജോലികളാണ് എഐ ചെയ്യുന്നത്. ഐബിഎമ്മിലെ കൂടുതല് റോളുകളിലേക്ക് എഐ സംയോജിപ്പിക്കുന്നതോടെ കമ്പനിയുടെ പ്രവര്ത്തന മൂലധനത്തില് വലിയ കുറവുണ്ടാകുമെന്നാണ് അധികൃതരുടെ കണക്കുകൂട്ടൽ.