ഫ്രാൻസിലെ വിലിസി വില്ല കുബാലി പ്രവിശ്യയിൽ നടക്കുന്ന അന്താരാഷ്ട്ര ആർട്ട് ക്യാമ്പിലാണ് Clam Art ൻ്റെ 2025 ലെ ആർട്ടിസ്റ്റ് ഇൻ ദി ഹൗസ് ആൻഡ് കൾച്ചറൽ എക്സ്ചേഞ്ച് പ്രോഗ്രാമിന് കേരളത്തിൽ നിന്നുള്ള ചിത്രകാരൻ ആർ.കെ ചന്ദ്രബാബുവിന് സെലക്ഷൻ കിട്ടിയത്. നെതർലാൻ്റ്, ജർമ്മിനി, സ്വിസ്സർലാൻ്റ്, ഇറ്റലി ബൽജിയം ഫ്രാൻസ് എന്നീ രാജ്യങ്ങളിൽ നിന്നുള്ള ആർട്ടിസ്റ്റുകൾ ആണ് പങ്കെടുക്കുന്നത് ഇന്ത്യയിൽ നിന്ന് സെലക്ഷൻ കിട്ടുന്ന ആദ്യത്തെ മലയാളി കലാകാരനാണ് ആർ.കെ ചന്ദ്രബാബു’ കഴിഞ്ഞ മൂന്നു വർഷങ്ങളായി വിവിധ മീഡിയങ്ങളിലായി തുടർന്നു വരുന്ന പറക്കുന്ന ജീവിതത്തിലെ കറുത്ത കല്ലുകൾ എന്ന പരമ്പരയിലെ പത്ത് ചിത്രങ്ങളാണ് ക്യാമ്പ് സെലക്ഷന് പരിഗണിക്കപ്പെട്ടത്. പാരീസിലെ പ്രധാനപ്പെട്ട കലാസാംസ്കാരിക സംഘടനയുമായി ബന്ധപ്പെട്ട് പ്രമുഖരുമായി സംവദിക്കാനും സ്വന്തം വർക്കുകൾ ചെയ്യാനുമുള്ള അവസരമാണ് ക്ലാം ആർട്ട് ക്യാമ്പ് വഴി തേടിയെത്തുന്നത്. ഏപ്രിൽ 21 മുതൽ മെയ് രണ്ട് വരെയാണ് ക്യാമ്പ് – ക്ലാംആർട്ട് എന്ന ഫ്രാൻസിലെ പ്രമുഖ കലാസാംസ്കാരിക സംഘടനയുടെതാണ് ഇൻറർനാഷണൽ ആർട്ടിസ്റ്റ് റസിഡൻസി ക്യാമ്പ് ഒരുക്കിയിരിക്കുന്നത്. തൃശ്ശൂർ ഗവൺമെൻറ് ഫൈനാൻസ് കോളേജിൽ നിന്ന് ചിത്രകലയിൽ ബിരുദം നേടിയ ചന്ദ്രബാബു ശില്പകലയിലും, ഫോട്ടോഗ്രാഫിയിലും പ്രാക്റ്റീസ് ചെയ്യുന്നു. കോട്ടയം ജില്ലയിൽ നെച്ചിപ്പുഴൂർ സ്വദേശിയായ ചന്ദ്രബാബു ഒട്ടേറെ പ്രദർശനങ്ങളിലും ക്യാമ്പുകളിലും പങ്കെടുത്തിട്ടുണ്ട് മാതൃകാ അധ്യാപകപുരസ്കാരവും, മലയാള പുരസ്കാരമുൾപ്പെടെ ഒട്ടേറെ ബഹുമതികളും നേടിയിട്ടുണ്ട് എറണാകുളം ജില്ലയിൽ പള്ളുരുത്തിയിലാണ് താമസം തിരുവാണിയൂർ ഗ്ലോബൽ പബ്ലിക് സ്കൂളിൽ ചിത്രകലാ അധ്യാപകനാണ്. 98464254 82