കൊല്ലം: ശബരിമല സ്വര്ണക്കൊള്ള കേസില് കൂടുതല് അറസ്റ്റിന് എസ്ഐടി നീക്കം.
ദേവസ്വം ബോര്ഡ് ജീവനക്കാരുടെ കൃത്യനിര്വഹണത്തിലെ പങ്ക് സംബന്ധിച്ച് വിശദമായ പരിശോധന നടത്താനാണ് എസ്ഐടി തീരുമാനം. 2020-2025 കാലത്ത് ജോലി ചെയ്ത ദേവസ്വം ജീവനക്കാര് അടക്കമുള്ളവരുടെ പങ്കാണ് പരിശോധിക്കുക.
ബോര്ഡ് അംഗമായിരുന്ന ജി സുന്ദരേശനും തിരുവാഭരണം കമ്മീഷണറായിരുന്ന റെജിലാലിനും കൃത്യനിര്വഹണത്തില് വീഴ്ച പറ്റിയെന്ന് അന്വേഷണ സംഘം കണ്ടെത്തി. വ്യാജരേഖ നിര്മ്മാണം ഉള്പ്പെടെയുള്ള ഗുരുതരമായ വീഴ്ചകളാണ് റെജിലാലിനെതിരെ കണ്ടെത്തിയത്.
സ്വര്ണക്കൊള്ളയില് കൂടുതല് വിവരശേഖരണത്തിന് ഒരുങ്ങുകയാണ് എസ്ഐടി.
അറസ്റ്റിലായ മുന് ദേവസ്വം ബോര്ഡ് പ്രസിഡന്റ് പി എസ് പ്രശാന്തിനെയും മുന് അംഗം അജികുമാറിനെയും ഇന്ന് അന്വേഷണസംഘം കസ്റ്റഡിയില് വാങ്ങും. 2025ലെ ഇടപാടുകള് സംബന്ധിച്ച വിവരങ്ങള്ക്ക് ഇരുവരെയും വിശദമായി ചോദ്യം ചെയ്യണമെന്ന് എസ്ഐടി അറിയിച്ചു.