കൈകളിലെയും കാലുകളിലെയും നഖങ്ങൾ വളരെ ഭംഗിയോടെ സൂക്ഷിക്കുന്നതിന് വലിയ പ്രാധാന്യം നൽകുന്നവരാണ് പലരും. ഇതിൽ നെയിൽ പോളിഷ് വഹിക്കുന്ന പങ്ക് വളരെ വലുതാണ്. നഖങ്ങളില് വ്യത്യസ്ത നിറങ്ങളും ക്രിയേറ്റിവിറ്റിയും ഉള്പ്പെടുത്തുന്നത് ഒരു വിനോദം കൂടിയാണ്. ‘നെയിൽ ആർട്ടിനായി’ എത്ര രൂപ വേണമെങ്കിലും ചെലവഴിക്കാന് മടിക്കാത്തവരാണ് പലരും. ഗുണമേന്മയേറിയ അത്യാഢംബര നെയിൽ പോളിഷുകൾ ഇന്ന് വിപണി കീഴടക്കിയിരിക്കുകയാണ്. ഏറ്റവും അടുത്ത് വിപണിയിലെത്തുന്ന കോടികൾ വിലവരുന്ന ‘ആസച്ചര്’ ആണ് ഇപ്പോൾ നെയിൽപോളിഷ് പ്രേമികൾക്കിടയിൽ തരംഗമായിരിക്കുന്നത്.
ലാസാഞ്ചസ് ആസ്ഥാനമായി പ്രവര്ത്തിക്കുന്ന ആഡംബര ബ്രാന്ഡാണ് ‘ആസച്ചര്’ ആണ് ഏറ്റവും വിലപിടിപ്പുള്ള നെയില് പോളിഷ്. 14.7 മില്ലിലീറ്ററുള്ള ഒരു കുപ്പിക്ക് മൂന്ന് മെഴ്സിഡീസ് ബെന്സിന്റെ വില വരും. അതായത് 1,63,66,000 രൂപയാണ് ഈ ബ്ലാക് ഡയമണ്ട് നെയില് പോളിഷിന്റെ വില. ‘ബ്ലാക് ഡയമണ്ട് കിങ്’ എന്നാണ് ആസച്ചര് പോഗോസിയാന് അറിയപ്പെടുന്നത്. ഈ നെയില് പോളിഷില് 267കാരറ്റ് ബ്ലാക് ഡയമണ്ട് ചേര്ത്തിട്ടുണ്ട്. ബിയോണ്സെ, റിയാന്ന തുടങ്ങിയ പ്രമുഖ താരങ്ങള് ബ്ലാക് ഡയമണ്ട് ആരാധകരാണ്. പ്രമുഖ ഹോളിവുഡ് താരം കെല്ലി ഓസ്ബോണ് അടക്കം 25 പേര് ഈ അത്യാഡംബര നെയില് പോളിഷ് സ്വന്തമാക്കി എന്നാണ് റിപ്പോര്ട്ട്.
ഇത്രയും മനോഹരമായ ബ്ലാക് ഡയമണ്ട് എന്തുകൊണ്ട് നഖങ്ങളില് പരീക്ഷിച്ചുകൂടാ എന്ന് ഞാന് ഒരിക്കല് ചിന്തിച്ചു അങ്ങനെയാണ് ഈ നെയില് പോളിഷ് നിര്മ്മിക്കുന്നത്. താന് ഡിസൈന് ചെയ്യുന്ന ആഭരണങ്ങളുടെ മൂല്യം ഈ നെയില് പോളിഷിനുണ്ടെന്ന് ഉറപ്പു നല്കുകയാണ് അസാച്ചര് പൊഗോസിയാന്. പക്ഷേ, ഇത്രയും വിലപിടിപ്പുള്ള ഒരു നെയില് പോളിഷ് വിപണിയിലെത്തുന്നത് ആദ്യമാണ്. ഈ നെയില് പോളിഷ് വാങ്ങുന്നതിനു മുന്പ് പലതവണ ചിന്തിക്കണമെന്നാണ് വിദഗ്ധര് പറയുന്നത്. നഖങ്ങൾ ഭംഗിയാകുന്നതിനൊപ്പം കീശയും കാലിയാകുമെന്നു ഓർക്കണമെന്നാണ് മുന്നറിയിപ്പ്.