കൊച്ചി: സമൂഹമാധ്യമങ്ങളിലൂടെ അപമാനിച്ചെന്ന പ്രമുഖ നടിയുടെ പരാതിയിൽ സംവിധായകൻ സനൽകുമാർ ശശിധരനെതിരെ ലുക്ക് ഔട്ട് സർക്കുലർ.
സ്ത്രീത്വത്തെ അപമാനിക്കുംവിധമുള്ള സനല്കുമാറിന്റെ സാമൂഹികമാധ്യമ പോസ്റ്റുകള് തനിക്ക് മാനഹാനിയുണ്ടാക്കിയെന്നാണ് നടിയുടെ പരാതി.
കൊച്ചി സിറ്റി പൊലീസാണ് ലുക്കൗട്ട് സർക്കുലർ ഇറക്കിയത്. സനൽകുമാർ അമേരിക്കയിലാണെന്നാണ് വിവരം. നടിക്കെതിരേ ഒട്ടേറെ പോസ്റ്റുകളാണ് പ്രതി സാമൂഹികമാധ്യമങ്ങളില് പങ്കുവെച്ചിരുന്നത്.
നടിയുടേതെന്ന പേരില് ഒരു ശബ്ദസന്ദേശവും പോസ്റ്റ് ചെയ്തിരുന്നു.നേരത്തെയും നടിയുടെ പരാതിയില് സനല്കുമാര് ശശിധരന് അറസ്റ്റിലായിരുന്നു.