തിരുവനന്തപുരം: ഷാരോൺ വധക്കേസിൽ ഒന്നാം പ്രതി ഗ്രീഷ്മയ്ക്ക് വധശിക്ഷ വിധിച്ചതിന് പിന്നാലെ പ്രതികരണവുമായി അന്വേഷണ ഉദ്യോഗസ്ഥയായിരുന്ന ഡി ശില്പ രംഗത്ത്. വിധിയിൽ വളരെ സന്തോഷമുണ്ടെന്നാണ് ശില്പ പ്രതികരിച്ചത്.
‘അന്വേഷണ സമയത്ത് നിരവധി പ്രതിസന്ധികൾ നേരിട്ടിരുന്നു എന്നും ഗ്രീഷ്മ കേസ് വഴിതെറ്റിക്കാൻ പലതവണ ശ്രമിച്ചു എന്നും ശില്പ പറഞ്ഞു. പക്ഷേ തെളിവ് ശേഖരിച്ച് കേസ് മുന്നോട്ട് കൊണ്ടുപോകാൻ കഴിഞ്ഞു എന്നും ഇത് ഒരു ടീമായി നടത്തിയ അന്വേഷണമാണ് എന്നും അന്വേഷണ ഉദ്യോഗസ്ഥ ശില്പ വ്യക്തമാക്കി.