ബെംഗളൂരു: ഒന്നിലധികം വോട്ടര് ഐഡി കാര്ഡുകള് കൈവശം വെച്ചെന്ന കേസില് നടന് പ്രകാശ് രാജിന് ജാമ്യം. ബെംഗളൂരു അഡീഷണല് ചീഫ് മജിസ്ട്രേറ്റ് കോടതിയാണ് ഉപാധികളോടെ ജാമ്യം അനുവദിച്ചത്.
ബെംഗളൂരുവിലെ ശാന്തിനഗര്, തെലങ്കാനയിലെ സെരിലിംഗംപള്ളി, തമിഴ്നാട്ടിലെ വേളാച്ചേരി എന്നിവിടങ്ങളിലായി പ്രകാശ് രാജിന് 4 വോട്ടര് ഐഡികളുണ്ടെന്ന് ആരോപിച്ച് ശേഷാദ്രിപുരം സ്വദേശി കെ. ദിലീപ് കുമാറുമാണ് പരാതി നല്കിയത്.കൂടാതെ, വേളാച്ചേരിയില് രണ്ടു വോട്ടുണ്ടെന്നും പരാതിയില് ആരോപിച്ചിരുന്നു.
അതേസമയം, കേസിൽ പ്രകാശ് രാജിന് നേരത്തെ ബെംഗളൂരു മജിസ്ട്രേട്ട് കോടതി ജാമ്യമില്ലാ വാറന്റ്റ് പുറപ്പെടുവിച്ചിരുന്നു. 3 തവണ സമന്സ് അയച്ചിട്ടും കൈപ്പറ്റാത്തതിനെ തുടര്ന്നായിരുന്നു നടപടി.