ചെന്നൈ: ബിജെപിയിൽ നിന്ന് രാജിവെച്ചതിന് പിന്നാലെ പുതിയ രാഷ്ട്രീയ പാർട്ടി രൂപീകരിക്കുമെന്ന് മുൻ നേതാവ് കെ. അണ്ണാമലൈ പ്രഖ്യാപിച്ചു. തമിഴ്നാടിന്റെ രാഷ്ട്രീയ യാഥാർഥ്യങ്ങളും ജനങ്ങളുടെ ആഗ്രഹങ്ങളും ദേശീയ പാർട്ടികൾ ശരിയായി മനസിലാക്കുന്നില്ലെന്ന് അദ്ദേഹം വിമർശിച്ചു.
ബിജെപിയിൽ ആറുവർഷം പ്രവർത്തിച്ച അനുഭവം തന്റെ രാഷ്ട്രീയ ജീവിതത്തിൽ നിർണായകമായിരുന്നുവെന്ന് അണ്ണാമലൈ പറഞ്ഞു. അതിലൂടെ നിരവധി കാര്യങ്ങൾ പഠിക്കാൻ കഴിഞ്ഞുവെന്നും അദ്ദേഹം വ്യക്തമാക്കി. പ്രാഥമിക അംഗത്വം രാജിവെച്ച ശേഷം പുറത്തിറക്കിയ വീഡിയോ സന്ദേശത്തിലൂടെയാണ് അദ്ദേഹത്തിന്റെ പ്രതികരണം.
തമിഴ്നാടിന്റെ ആവശ്യങ്ങൾ മുൻനിർത്തി പുതിയ രാഷ്ട്രീയ ദിശ സ്വീകരിക്കേണ്ട സമയമായെന്ന് അദ്ദേഹം പറഞ്ഞു. ജനങ്ങളുടെ ജീവിതത്തിൽ യഥാർത്ഥ മാറ്റം സൃഷ്ടിക്കാൻ കഴിയുന്ന ഒരു ബദൽ രാഷ്ട്രീയ പ്രസ്ഥാനം രൂപീകരിക്കേണ്ടതുണ്ടെന്നും അണ്ണാമലൈ കൂട്ടിച്ചേർത്തു.
English Summary:
Former BJP leader K. Annamalai has announced plans to form a new political party, stating that Tamil Nadu needs a political alternative that better reflects local aspirations and issues.