ഡൽഹി: സൗത്ത് ഡൽഹിയിൽ ഹോട്ടലിൽ വൻ തീപിടിത്തം. അപകടത്തിൽ 10 പേർ വെന്തു മരിച്ചെന്നാണ് പ്രാഥമിക വിവരം.
എന്നാൽ 20 പേർ മരിച്ചതായി ഇന്ത്യ ടുഡെ റിപ്പോർട്ട് ചെയ്തു. ഡൽഹി മാളവ്യ നഗറിലെ ‘ലെമൺ ഗ്രീൻ റസ്റ്ററന്റി’ലാണ് തീപ്പിടിത്തമുണ്ടായത്.
അപകടത്തിൽ ഒട്ടേറെപേർക്ക് പൊള്ളലേറ്റിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു.
മാളവ്യനഗറിലുള്ള റസ്റ്റോറന്റിലാണ് ഇന്ന് പുലർച്ചെ തീപിടിത്തമുണ്ടായത്. രാവിലെ 9.45ഓടെയാണ് തീപിടിത്തം സംബന്ധിച്ച് ഡൽഹി ഫയർ സർവീസ് ഡിപ്പാർട്ട്മെന്റിന് വിവരം ലഭിച്ചത്. ഉടൻ തന്നെ സംഘം സ്ഥലത്തെത്തി രക്ഷാപ്രവർത്തനം ആരംഭിച്ചു.
11 പേരെ രക്ഷപ്പെടുത്താനായതായും പരിക്കേറ്റവരെ ആശുപത്രിയിൽ പ്രവേശിപ്പിച്ചതായും ഫയർഫോഴ്സ് ഉദ്യോഗസ്ഥർ പറയുന്നു. തീ പിടിത്തത്തിന്റെ കാരണം ഇതുവരെ വ്യക്തമായിട്ടില്ല.