തൃക്കരിപ്പൂർ: ശക്തമായ ഇടത് കോട്ടയായി കണക്കാക്കപ്പെട്ട തൃക്കരിപ്പൂർ നിയോജക മണ്ഡലത്തിൽ അട്ടിമറി വിജയം സ്വന്തമാക്കി സന്ദീപ് വാര്യർ. വെറും 394 വോട്ടുകളുടെ ഭൂരിപക്ഷത്തിലാണ് വിജയം നേടിയത്.
വോട്ടെണ്ണലിന്റെ തുടക്കഘട്ടങ്ങളിൽ ലീഡ് മാറിമാറി വന്നെങ്കിലും അവസാന റൗണ്ടുകളിൽ സന്ദീപ് വാര്യർ വ്യക്തമായ മുന്നേറ്റം കൈവരിച്ചു. ആകെ 70,264 വോട്ടുകൾ അദ്ദേഹം നേടി. പ്രധാന എതിരാളിയായ ഡോ. വി.പി.പി. മുസ്തഫ 69,870 വോട്ടുകളും, ട്വന്റി ട്വന്റി സ്ഥാനാർത്ഥി രവി കുളങ്ങര 6,815 വോട്ടുകളും നേടി.
ഇടതുമുന്നണിയുടെ ശക്തികേന്ദ്രങ്ങളിൽ ഒന്നായി കരുതപ്പെട്ട മണ്ഡലത്തിൽ ഇത്തരം ഫലം വന്നത് രാഷ്ട്രീയ വൃത്തങ്ങളിൽ വലിയ തിരിച്ചടിയായി വിലയിരുത്തപ്പെടുന്നു.
അതേസമയം, സംസ്ഥാനത്ത് വോട്ടെണ്ണൽ പുരോഗമിക്കുമ്പോൾ യു.ഡി.എഫ് വലിയ മുന്നേറ്റത്തിലാണ്. നിലവിൽ യു.ഡി.എഫ് 100-ത്തിലധികം സീറ്റുകളിൽ ലീഡ് ചെയ്യുമ്പോൾ എൽ.ഡി.എഫ് 30-ൽ പരിമിതപ്പെടുകയും എൻ.ഡി.എ കുറച്ച് സീറ്റുകളിൽ മാത്രം മുന്നിലാണ്.
English Summary
In a major upset, Sandeep Warrier won the Thrikkarippur constituency by a narrow margin of 394 votes. The seat, considered a stronghold of the LDF, witnessed fluctuating leads during counting, but Warrier secured a decisive edge in the final rounds. He polled 70,264 votes, defeating V.P.P. Mustafa who got 69,870 votes. The result is seen as a significant setback for the LDF amid a strong UDF surge across Kerala.