തൃപ്പൂണിത്തുറയിൽ നിയന്ത്രണം വിട്ട ബൈക്ക് മെട്രോയുടെ മീഡിയനിൽ ഇടിച്ചുകയറി യുവാവിന് ദാരുണാന്ത്യം. ഹോർമിസ് മാത്യു (24) ആണ് മരിച്ചത്.
ഇന്ന് പുലർച്ചെ ഏകദേശം 1.45ഓടെ ചമ്പക്കര–പേട്ട റോഡിൽ കൊച്ചി മെട്രോയുടെ 953-ാം നമ്പർ തൂണിനടുത്ത് വച്ചാണ് അപകടം നടന്നത്.
തലയ്ക്ക് ഗുരുതരമായി പരുക്കേറ്റ ഹോർമിസിനെ ഉടൻ വൈറ്റിലയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തൃപ്പൂണിത്തുറയിൽ നിന്ന് വൈറ്റിലയിലെ സുഹൃത്തിന്റെ വീട്ടിലേക്ക് പോകുന്നതിനിടെയാണ് അപകടമുണ്ടായത് എന്നാണ് വിവരം.
മൃതദേഹം എറണാകുളം ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. തൃപ്പൂണിത്തുറ തെക്കുംഭാഗം ചിത്രാനഗർ സ്വദേശിയാണ് ഹോർമിസ്. ബിജുവിന്റെയും നിഖി ഉറുമീസിന്റെയും മകനാണ്. സഹോദരങ്ങൾ: സെലിൻ, ജോസഫ്. സംസ്കാരം പിന്നീട് നടത്തും.
English Summary
A 24-year-old man, Hormis Mathew, died after his bike lost control and crashed into a metro median in Thrippunithura near a pillar of the Kochi Metro.
The accident occurred around 1:45 AM while he was traveling from Thrippunithura to Vyttila. He sustained severe head injuries and was rushed to a private hospital but could not be saved.