തിരുവനന്തപുരം: മണിയൻപിള്ള രാജു ഓടിച്ച കാറും ബൈക്കും തമ്മിൽ ഇടിച്ച് ഉണ്ടായ അപകടവുമായി ബന്ധപ്പെട്ട കേസിൽ നിർണായക തിരിവ്. കെമിക്കൽ പരിശോധനാഫലത്തിൽ താരം അപകടസമയത്ത് മദ്യപിച്ചിരുന്നില്ലെന്ന് വ്യക്തമായി. ഇതോടെ മദ്യപിച്ച് വാഹനമോടിച്ചതെന്ന കുറ്റം പൊലീസ് ഒഴിവാക്കി.
ഫെബ്രുവരിയിൽ ട്രിവാൻഡ്രം ക്ലബ്ബിന് സമീപം നടന്ന അപകടത്തിന് പിന്നാലെ വാഹനം നിർത്താതെ പോയ സംഭവത്തിൽ ‘ഹിറ്റ് ആൻഡ് റൺ’ കേസ് മാത്രമാണ് ഇപ്പോൾ നിലനിൽക്കുന്നത്. സംഭവശേഷം ഭയന്നതുകൊണ്ടാണ് വാഹനം നിർത്താതെ പോയതെന്നും ബൈക്ക് കാറിൽ ഇടിച്ചതാണെന്നും താരം നേരത്തെ വ്യക്തമാക്കിയിരുന്നു.
കേസുമായി ബന്ധപ്പെട്ട് മണിയൻപിള്ള രാജുവിനെ പൊലീസ് അറസ്റ്റ് ചെയ്തിരുന്നുവെങ്കിലും പിന്നീട് ജാമ്യത്തിൽ വിട്ടിരുന്നു. ഇപ്പോൾ ലാബ് റിപ്പോർട്ട് പുറത്തുവന്നതോടെ കേസിലെ പ്രധാന ആരോപണം ഒഴിവായിരിക്കുകയാണ്.
Actor Maniyanpilla Raju has been cleared of drunk driving charges in a car-bike accident case in Thiruvananthapuram. Chemical lab reports confirmed that he was not under the influence of alcohol at the time of the accident. However, a hit-and-run case still remains against him, as he allegedly failed to stop the vehicle after the collision.