അഞ്ചൽ: വീട്ടുമുറ്റത്തെ പ്ലാവിൽ നിന്ന് ചക്ക ഇടുന്നതിനിടെ തലയിൽ ചക്ക വീണ് ഗുരുതരമായി പരിക്കേറ്റ യുവാവ് മരിച്ചു. കൊല്ലം ജില്ലയിലെ അഞ്ചൽ സ്വദേശിയായ രാജുവാണ് മരണപ്പെട്ടത്.
ഏപ്രിൽ 16-നാണ് സംഭവം നടന്നത്. രാവിലെ ആറുമണിയോടെ വീട്ടുവളപ്പിലെ പ്ലാവിൽ നിന്ന് ചക്ക ഇടാൻ ശ്രമിക്കുന്നതിനിടെയാണ് ചക്ക തലയിലേക്ക് പതിച്ചത്. ഗുരുതരമായി പരിക്കേറ്റ രാജുവിനെ ബന്ധുക്കളും നാട്ടുകാരും ചേർന്ന് സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
തലയ്ക്കും കഴുത്തിനും ഗുരുതരമായ പരുക്കേറ്റതിനാൽ വെന്റിലേറ്ററിന്റെ സഹായത്തോടെയായിരുന്നു ചികിത്സ. എന്നാൽ ചികിത്സയ്ക്കിടെ ഇന്നലെ വൈകുന്നേരം മൂന്നു മണിയോടെ രാജു മരണത്തിന് കീഴടങ്ങി.
സംസ്കാര ചടങ്ങുകൾ ഇന്ന് നടത്തുമെന്ന് ബന്ധുക്കൾ അറിയിച്ചു.
English Summary
A man from Anchal in Kollam district died after a jackfruit fell on his head while he was trying to pluck it from a tree in his yard. The incident occurred on April 16 in the early morning. He sustained severe head and neck injuries and was under ventilator support in a private hospital. Despite treatment, he passed away on Monday evening.