തിരുവനന്തപുരം: ഇന്ന് പുറത്തിറങ്ങിയ പത്രങ്ങളിൽ വന്ന സർക്കാരിൻ്റെ പരസ്യത്തെ വിമർശിച്ച് പ്രതിപക്ഷ നേതാവ് വിഡി സതീശൻ .
ഹീനമായ പ്രചാരണമാണ് നടത്തുന്നത്. ഇതിന് ഉദ്യോഗസ്ഥർ പിന്നീട് മറുപടി പറയേണ്ടി വരുമെന്ന് വിഡി സതീശൻ തുറന്നടിച്ചു.
പരസ്യമെന്ന് തോന്നാത്ത വിധമുള്ള പ്രചാരണമാണ് നടന്നത്. വാർത്ത കൊടുക്കാത്ത മാധ്യമങ്ങളെ അഭിനന്ദിക്കുന്നു. ദേശാഭിമാനിയുടെ ഫോണ്ടാണ് ഉപയോഗിച്ചിരിക്കുന്നത് എന്നും സതീശൻ ചൂണ്ടിക്കാട്ടി. നാട്ടുകാരുടെ പണം ഉപയോഗിച്ചാണ് ഇത് ചെയ്തത്. മുന്നോട്ട് വെക്കാൻ ഒന്നും ഇല്ലാത്തത് കൊണ്ടാണ് പരസ്യം നൽകിയത് എന്നും സതീശൻ വ്യക്തമാക്കി.