ദുബായ്: യുഎഇ ദിർഹമിനെതിരെ ഇന്ത്യൻ രൂപയുടെ മൂല്യം ചരിത്രത്തിൽ ആദ്യമായി 25 രൂപയുടെ നിരക്കിലെത്തി. ബുധനാഴ്ച രാവിലെ വിനിമയ നിരക്ക് 25.05 രൂപ വരെ ഉയർന്നതായി റിപ്പോർട്ടുകൾ വ്യക്തമാക്കുന്നു. കഴിഞ്ഞ ദിവസം ഇത് 24.85 രൂപയായിരുന്നു.
ക്രൂഡ് ഓയിൽ വില ഉയർന്നതും ഡോളറിനെതിരെ രൂപ ദുർബലമായതുമാണ് ഈ മാറ്റത്തിന് പ്രധാന കാരണങ്ങളെന്ന് സാമ്പത്തിക നിരീക്ഷകർ പറയുന്നു. നിലവിലെ നിരക്കിൽ 1000 ദിർഹം നാട്ടിലേക്ക് അയച്ചാൽ ഏകദേശം 25,040 രൂപ ലഭിക്കും. ഫെബ്രുവരി ആദ്യവാരത്തിൽ ഇത് ഏകദേശം 24,500 രൂപയായിരുന്നു.
റമസാൻ-പെരുന്നാൾ ചെലവുകൾ മുന്നിൽ കണ്ടു പണം അയക്കാൻ കാത്തിരുന്ന പ്രവാസികൾക്ക് ഈ ഉയർന്ന നിരക്ക് വലിയ ആശ്വാസമായി. എന്നാൽ ആഗോള സാമ്പത്തിക സാഹചര്യങ്ങളും എണ്ണവിലയിലുണ്ടാകുന്ന മാറ്റങ്ങളും വിനിമയ നിരക്കിനെ തുടർച്ചയായി ബാധിക്കാനിടയുണ്ടെന്ന് വിദഗ്ധർ മുന്നറിയിപ്പ് നൽകി.
നിരക്കിൽ കൂടുതൽ മാറ്റങ്ങൾ പ്രതീക്ഷിച്ച് ചില പ്രവാസികൾ ഭാഗികമായി മാത്രം തുക അയച്ച് ബാക്കി സംരക്ഷിക്കുന്ന രീതിയും സ്വീകരിക്കുന്നതായി റിപ്പോർട്ടുകളുണ്ട്. സാമ്പത്തിക തീരുമാനങ്ങൾ എടുക്കുമ്പോൾ വിദഗ്ധരുടെ നിർദേശങ്ങൾ പിന്തുടരുന്നത് ലാഭകരമാകുമെന്ന് നിർദേശം.
The Indian Rupee has fallen to a historic low against the UAE Dirham, crossing ₹25 for the first time. On Wednesday morning, the exchange rate touched ₹25.05 per Dirham. A weaker rupee against the US dollar and rising crude oil prices contributed to the surge. At the current rate, 1000 Dirhams would fetch around ₹25,040. The increase comes as a relief for expatriates sending money home ahead of Ramadan and Eid expenses, though experts advise caution due to global economic fluctuations.